May ⭐️⭐️⭐️⭐️⭐️
瘦身是一個持續的旅程，今次經歷了半年有多的時間，當中很多謝Kathy和Lillian的陪伴，鼓勵。在我質疑自己做得不好時她會說，反反覆覆是正常的，不要打沉自己。堅持下去，方法正確的話，你做得到的。今次，我學習了覺察自己的身體，食嘢的時候，貴精不貴多，輕鬆地去享受，滿足地去瘦，盡量控制一些自己可以控制到的，要享受過程，雖然會反反覆覆，上上落落，但反反覆覆地瘦下去，一步步，一磅一磅，只要有個清楚的目標，慢慢走下去，一定可以成功的。
這使我明白堅持下去，有耐性，開開心心地去享受整個過程，效果會漸漸呈現的。在今次旅程，不知不覺，減去了27磅多，體脂比率亦都回復健康的指標，最重要的是可以健康地繼續保持年青。
多謝Kathy & Lilian 🥰
要開心 ⭐️⭐️⭐️⭐️⭐️
大家好😊我係Gloria，因為肥胖引致血壓高，血脂高，周身痛，成日唔舒服，所以扚起心肝要減肥😝 . 在朋友介紹之下, 去咗家營搵營養師Kathy 同 Kayla邦手，最終我用左六個月減咗28磅🥳🥳🥳減肥過程唔需要捱肚餓，更加唔使做運動，啱晒我哋呢啲又懶又繁忙嘅都市人😆😆😆我亦都學到點樣去食嘢可以健康又開心。 剛剛去完驗血複診，血壓同膽固醇指數都靚到冇朋友，腳痛腰痛都改善咗。 真心多謝Kathy & Kayla，等我喺50+ 歲數重獲新生🙏🏻🙏🏻🙏🏻。
Yin Lun Yim ⭐️⭐️⭐️⭐️⭐️
感謝家營的 Kathy 跟 Krista, 自去年五月起引導我，由 85kg 減到 68kg，只需兩個多月時間。期間她們不斷提醒我要留意的事情。家營的強處是用非常人性化的方法，教導我們以輕鬆的方法達成目標。而且還提供其他相關知識豐富我在保健的各方面需要。
leung tratra ⭐️⭐️⭐️⭐️⭐️
決心去揾營養師的時候，真係唔知揾邊間，揾邊個好，應該係冥冥中有主宰，最終就比我與Kayla相遇了，最初的一個星期係適應期，經Kayla的耐心教導同指引下，漸漸習慣了，每日都會知道應該食什麼，怎樣食，當然體重就逐步正常地下調啦👍🏻最終輕鬆地減去目標的磅數。每次與Kayla見面，她總會帶着笑聲傾談。幸運是Kayla指導我的，當然，Kathy的3次會面亦對我這次的減磅有非常重要的啟示及幫助。總括，第一次找營養師，對我帶來的是一個美好的經驗。再次衷心感謝Kayla及Kathy在這段期間的關懷。祝Kayla，Kathy及家營各位靚女們都開開心心，工作愉快！🫶🏻🫶🏻
Shuk Kan Lee ⭐️⭐️⭐️⭐️⭐️
我曾去過好多間營養中心，以前總是被要求「這不能吃、那要少吃」，減肥過程真的很壓抑。直到遇見 Kathy Spirit的營養師Kathy，才發現原來減肥可以不用這麼痛苦！
Kathy 最特別的地方是她把心理學融入飲食建議，教我用 Mindful Eating（正念飲食） 去享受每一口食物，而不是與食欲作對。最讓我驚喜的是，因為她懂輔導，總能敏銳察覺到我減肥時的焦慮或低潮，適時給予專業的心理疏導與正向鼓勵。
在這裡減肥，收穫的不只是數字的變動，還有心靈上的支援和鼓勵。加上Kathy Spirit營養中心收費合理，真心覺得物有所值，我非常推介 Kathy！
Cynthia Leung ⭐️⭐️⭐️⭐️⭐️
未認識KatSpirit前，我的體重大約是51KG，在很多人眼中，這個體重絕不算「肥」，但我意識到自己吃零食的份量很多、而且體重正是不斷上升，衣服開始穿不下，在鏡中的自己無腰無線條、有如一個水桶，我很希望改變這個狀態，成為一個健康又開心的人。
經朋友介紹下，認識到Kayla，最初我對她設計的餐單半信半疑：「真係食得飽？會唔會好慘？」…但經過Kayla耐心的講解、給予信心及鼓勵，每次都教我飲食概念及減壓方法，如應酬多的日子如何調節飲食等等…讓我學習達至身心平衡，不用再狂食零食減壓，現在，良好的飲食習慣已經變成我生活的一部份。
營養學是一種學問，是需要由專業人仕提供意見的，結果我用了三個月時間，由51KG減至46KG，真的要感謝 Kayla！
Kei Suet Hung ⭐️⭐️⭐️⭐️⭐️
生完小朋友之後， 成日因為要照顧小朋友而唔夠訓，工作上又食無定時，放假一有機會就同屋企人狂食好西， 雖然都有做下運動， 但結果係越嚟越肥，體重高峰達77kg.
響警號嘅一刻， 係我去做身體檢查嘅時候， 居然有高血壓既情況，而且明顯feel到因為肥胖導致動作都慢咗好多， 當刻好擔心身體會出現問題， 立定決心要減肥減脂減重!
當機立斷， 立即搵專業人士幫手， 好幸運遇見營養師Kayla & Kathy， 除咗畀咗好多唔同嘅飲食方法同 食物配搭我去選擇外，Kathy 係心理層面上亦都畀咗好多方向同指引我，而Kayla 每次溫柔嘅鼓勵+堅定嘅眼神+ 豐富嘅營養飲食指導， 雙劍合璧下令我 順利又舒服地 最終減左25磅！
我成日問Kayla : 真係可以食飯？ 真係唔使狂跑步做運動？ 你畀我食咁多嘢？ 喺連我自己都唔相信嘅情況下， 真係減到😆
好感謝你哋嘅幫忙， 希望有更多嘅朋友可以喺你哋豐富嘅知識及優秀的服務下獲益！
Winnie Leung ⭐️⭐️⭐️⭐️⭐️
好多謝營養師Lillian過去五個月的陪伴，雖然已不年輕，中間病過受傷過入過醫院，未能達到預定目標，但都可以由130幾磅減咗14磅，腰圍減咗四吋，可以穿回以前的牛仔褲，風褸也可以再一次拉埋拉鍊，身型輕盈咗上落樓梯都冇咁吃力，血壓亦都回復正常水平。最重要嘅係識咗點樣幫自己在外食時選擇食物，間中仲可以盡情吃自己喜歡的，俾以前減肥的經歷輕鬆得多。以前常有對與錯的壓力，Lilian卻常鼓勵我唔需要怪責自己，多些留意自己身體嘅感覺，相信身體告訴自己已經食夠了，並提供方法改善我睡眠質素讓我鬆弛身心；Lilian 不單讓我學了不少營養知識，亦很有耐性回答我很多問題，又樂於分享自身經驗。感恩遇上! 期待在維持期繼續減多幾磅☺️
Miki Cheng ⭐️⭐️⭐️⭐️⭐️
回想3個月前體重66kg嘅我，體重去到我人生最高峰，著咩衫都覺得唔滿意，左遮右遮，為咗睇落瘦啲，所以成日著黑色衫，買褲買裙由L變XL再變2XL，開始都頂唔順自己，做埋個身體檢查見內藏脂肪偏高，同開始有膝痛，唔想自己咁後生就咁！為咗健康，同埋想著衫自由，所以要的起心肝減肥！
之前都有試過飲代餐減肥，買產品嗰啲，諗返起會有種覺得係餓住嚟瘦嘅感覺，死忍爛忍唔食其他嘢，對一個為食嘅人嚟講，完咗計劃真係好快會暴食返，浪費之前嘅努力。
諗咗一段時間，決定試吓搵營養師幫手，一諗起要減肥就覺得好多嘢唔食得/一定成日都覺得餓，所以開頭嘅時候真係會有種好焦慮嘅感覺，同埋覺得每個星期都要交數，一定要跌體重，我同Kayla 講我成日有種心癮好想食嘢，一得閒就想食，限制咗我想食啲咩我會唔開心。
多謝Kayla細心同有耐性去解釋，原來唔係咩都唔食得，亦不斷提醒唔洗咁大壓力，減到悶仲可以放假！會問我有啲咩想食，幫我調整編落餐單到，仲有每星期有Happy meal想食咩就食咩，所以呢3個月都減得輕鬆。另外都多謝Kathy幫我做心理輔導，令我了解多咗自己，知道心理會影響飲食。
3個月過咗去，由66kg減到58kg！自己都覺得好神奇，原來唔係想像中咁難，最開心係努力被人看見，著衫好睇咗，啲肉冇吱出嚟🥲同埋終於去返L碼！膝頭都冇再痛！我覺得呢個唔係一個完結，反而係啱啱開始，學識咗呢個方法，希望自己會一直「識食」，做個健康有自信嘅女仔！
多謝營養師Kayla & Kathy🫶🏻
Tsz Wun Yiu ⭐️⭐️⭐️⭐️⭐️
當初因為要結婚想減肥，用自己嘅方法點都減唔到，所以想搵營養師幫手。係朋友介紹下認識到家營營養中心，養師Lillian好專業同細心，幫我set咗減肥目標同埋餐單。原來減肥都可以食得飽，唔使節食。五個月減咗十幾磅，成功係big day前減到目標磅數。之後用返學到嘅方法，就算食返多啲都冇反彈。
Ma Lee ⭐️⭐️⭐️⭐️⭐️
今次減重又更新了自己的減脂飲食概念。。。Kathy＆Lillian 在飲食之外亦關顧到心理及睡眠等需要。。尤其感謝Lillian 耐心解說及建議，助我達成減重目標並再建立健康飲食習慣
Chow Emily ⭐️⭐️⭐️⭐️⭐️
Lilian喺3個月嘅同行陪伴，令我由71kgs減至64kgs，看似減得好小，都是十多磅，但這3個月，我去了兩次旅行，不用擔心食的份量多咗，食材選錯咗，食完內心好有罪惡感。。。後悔。。。因為，Lilian教識我怎樣平衡和調節心態，拉上補下之餘，又可以滿足自己對美食的慾望，旅行，不用閉關，什麼約會都不去，回家煮飯等等。。。我在保養期第一個月都可以慢慢落磅，喺今次減重過程係愉快又無痛感和壓力，更重要是幫到我喺日常生活上，減重之餘，又可以約朋友出外吃飯旅行，取得平衡和支持點
我都有食薯條漢堡包等。。。真無諗過，喺減重期都可以食，無痛感無心理負擔，好愉快的一次減重体驗，謝謝你Lilian
葉綠素 ⭐️⭐️⭐️⭐️⭐️
感恩找到Kathy和Krista幫我減磅脫脂。謝謝她們鼓勵我，推動我減肥，我成功減咗37磅。
一直與肥字結緣，試過好多減肥方法希望可以搣甩佢，但係都不持久不成功，仲越減越肥愈減愈頹。因為親人患病，我成為照顧者，發覺更加要好好照顧自己，先有力照顧人，於是的起心肝尋求幫助，Kathy首先幫我除去減肥恐懼症，又教我mindful eating等技巧，與Krista每星期見面，佢細心聆聽我嘅需要，了解我嘅感覺，幫助我發現自己盲點，給我可行意見，令我可以唔太辛苦，有飽飯食，旅行還可以享受美食情況下，繼續堅持落去減到理想成績。其實我都幾享受佢哋同行陪伴我減肥嘅時間，可以更認識自己，愛上自煮生活，學習飲食技巧，我有信心可以保持體重無咁易反彈 °
Yuen lu Chui ⭐️⭐️⭐️⭐️⭐️
呢一次係我第二次揾Krista la~上一次主要都係減重目標為本，但今次令我知道應該點樣篩選食物。
另外，知道自己的飽肚感，從而用餐嘅時候可適當地停止用餐。
多謝Krista 令我係減重嘅過程中可以好輕鬆同無壓力
CHUN HONG TORRES LAI ⭐️⭐️⭐️⭐️⭐️
由細到大都係肥底，試過好多方法減肥，但最後都反彈😔，想保持身體健康，所以下定決心找家營幫手😊。
多謝營養師Krista在6個月內幫我成功減左25磅🥳。起初很擔心在減肥期內要戒口，冇啖好食，點知完全相反，krista 竟然比我食雪糕🍨, McDonald’s 等 佢教識我點樣食飯，肉仔食三個麻雀，咁就不會增磅
Krista 細心聆聽我在減肥過程中遇到嘅困難，提供很多建議和方法。這6個月減肥中，去左好多次旅行✈️，Krista沒有阻止我食地道美食，反而叫我好好享受旅程😎，令我很感動🥹🫶🏻。
也很感謝Kathy教導我放鬆自己 不要用食嘢去解決壓力，教我鬆住瘦😊，每次見面都好像和朋友傾計🫂，現在著衫好睇左，連行步路都快左😄
