Day ⭐️⭐️⭐️⭐️⭐️
試過上網學唔同方法減肥，包括低碳飲食、168斷食、狂做運動加高蛋白質飲食。初時好似有成果，但因為方法錯誤，令自己反彈由中碼變成大碼。最後在朋友介紹下，我搵到家營。今日正式完成咗整個體重管理課程，超額達到目標畢業喇，衷心多謝及推薦你哋。
感謝營養師Kathy，將營養學同心理學crossover，教識我正確嘅飲食方法。原來進食嘅方式同速度對體重管理有好大影響，你令我戒掉咗極速食嘢嘅壞習慣，亦令我明白食物選擇嘅重要性。
同時要特別多謝營養師Kirby，一個好細心又溫柔嘅女仔，我講過嘅事你全部都記得，慢慢仲好似朋友咁😊。半年以來，你全程跟進我嘅體重管理，專業指導同鼓勵令我唔需要節食，亦唔需要狂做運動，都成功減去17磅。仲記得第一星期，我仲猶豫緊要唔要去食日式放題，你竟然鼓勵我一定要去。原來你唔係要我食得少，而係要聰明咁調節份量，享受食物同時又能自我控制。你仲教識我水腫時應該點樣食、生理期完咗應該點樣進補，真係令我終生受用。
你設計嘅餐單好吸引，跟住食譜煮出嚟仲好好味。我特別鍾意低脂版咖哩同三文魚西京燒，真係有營養之餘又好味又飽肚，令人滿足。
呢段過程不單止改變咗我嘅身形，更加提升咗自信心，著衫更自在， 買衫選擇多咗， 連行山都覺得輕鬆咗。以前體重高峰期好抗拒影相，但今次減磅成功，終於可以再次享受影相嘅樂趣，感受到努力同堅持帶嚟嘅成果。
Daisy
Yu Eunice ⭐️⭐️⭐️⭐️⭐️
🎉【感謝我的減重旅程夥伴】🎉
65歲的我，曾經以為減重係一件遙不可及嘅事。新陳代謝慢、運動唔多，加上生活節奏快，真係好擔心自己做唔到。但原來，只要有正確嘅指引同支持，一切都可以改變。
喺短短兩個多月內，我成功達到理想體重，呢個成果唔單止係磅數上嘅改變，更係身心靈嘅蛻變。
🙏 多謝Joey，每星期都用佢溫柔同耐性鼓勵我，唔單止教我點樣食得健康，更令我明白減重唔係只睇磅數，而係要照顧好自己嘅整體平衡——身體、心靈、情緒。
🌟 祝福你繼續用你嘅愛心同耐性，幫助更多人走上健康之路，成為佢哋生命中重要嘅同行者！
💼 感謝Kathy，作為團隊嘅靈魂人物，用你嘅專業知識同熱誠，令我對健康有更深嘅認識。你唔止係一位營養師，更係一位生命導師，教我點樣活得開心、有意義。
🌸 祝福你事業蒸蒸日上，繼續帶領你嘅團隊，影響更多人活出健康快樂嘅人生！
呢段旅程，我唔係一個人行，係有Joey 及Kathy 陪住我一步一步走過。衷心感謝你哋嘅付出同陪伴，我會繼續努力，活出更健康、更快樂嘅自己 💪💖
JJ L ⭐️⭐️⭐️⭐️⭐️
自問係一個好鍾意食嘢嘅人，又成日都試唔同嘅方法減肥，但減左十幾年都唔得，今次嚟搵Lilian,終於成功，佢教我點樣食住瘦，又可以食我鍾意食嘅嘢但又瘦，同事見我瘦咗咁多都覺得好不可思議，我只係食下餃子，食下飯，鋸扒唔捱餓都瘦，羨慕死佢哋。分享一下其中一餐，真係食住瘦。今日我成功咗啦！日後我會繼續用Lilian 教我嘅方法去keep fit 。
洛夜在線康blackpink ⭐️⭐️⭐️⭐️⭐️
多謝過去4個多月 營養師Lillian 用心指導 呢段時間 甘啱遇著屋企裝修 搬咗去酒店暫住無法煮食 但Lillian仍然不斷作出適時指導 可以食咩減下水腫 可以點樣食冇甘悶之餘又付合跟餐單規矩 最終我減左17磅 達成目標😊
Car Chan ⭐️⭐️⭐️⭐️⭐️
我從來都只係吃喝玩樂放縱自己，都無好好保養過，直至到身體開始變差、血壓好高⋯再唔改善吓真係唔掂呀，真係唔想有咩病痛仲要爸媽照顧。但人唔殺到埋身又點會去做吖，由最初哥哥半迫半氹要我嚟，到而家因為有Kirby教我，先知道做人要積極、改善好心態先係最重要！
成日都講減肥好容易啦，食健康啲做吓運動咪得囉，但我好鐘意飲酒又有惰性，真係好需要搵一啲專業人士去幫手，過程係好需要自律同合作，付出咗金錢同時間，都好希望有效果，呢度真係好神奇好有效果呀！
我好感激Kirby，多謝妳嘅細心同照顧，妳好關心我嘅感受，唔會係例行咁迫我跟餐單交成績就算，每當我氣餒發脾氣嘅時候，妳會教我要搵出原因而唔係打沉自己，就係有妳嘅Power妳嘅感染力⋯令到我好有動力去做好自己，有妳嘅陪伴過程都唔算辛苦，而家減咗17kg、血壓又正常喇！
生活態度都教好咗我，學識要好好愛護自己，先有能力去照顧身邊嘅人。好多朋友都讚我減肥成功人又溫柔咗，問我點做到㗎？我都好興奮咁去講Kirby乜⋯Kirby乜⋯我勁推薦佢哋去搵Kirby呀 ，一個最強嘅營養師！！
C Wong ⭐️⭐️⭐️⭐️⭐️
感謝營養師Kathy同Kayla的陪伴，令我從新同食物建立關係，以前一有壓力就想食甜品，食完又好自責。直至我真正明白到，食物係「無辜」嘅，我要自己先靜一靜諗一諗，我做乜咁想食甜野。
我無諗過有一個營養師會喺第一次見面後，叫我先放鬆下，唔好再迫自己減肥，而係用一星期，試吓食到我覺得食唔落先。仲同我講肥左幾多佢會幫我減得番。而最後我真係喺呢幾個月嘅營養師課程裏面，重新認識自己，同重新跟食物建立一份良好關係，我覺得自己成長咗，抗壓能力亦都大咗好多，畢生受用，多謝你哋
Yu Ry ⭐️⭐️⭐️⭐️⭐️
2025年10月身體出現問題，醫生話問題源於過重，心情低落到一個點！
感恩遇到營養師Kathy同Kayla,係她們的指導及鼓勵下，我透過改變飲食習慣係半年減了二十多磅，身體亦好了些。
Kayla 是一位充滿笑容同懂得體諒的營養師，她的耐心同專業幫助我很多！
現在仍要努力繼續減磅，希望係她們的指導下，可保持身心靈健康下達成目標
Hui WY.V ⭐️⭐️⭐️⭐️⭐️
在這五個月的減重過程中，我有幸得到營養師Kayla的專業協助，讓我在這條路上不感到孤單。Kayla不僅提供了度身訂制的飲食計劃，還耐心指導如何選擇健康的食物，讓我在生活中逐漸建立良好的飲食習慣。
每週的見面中，Kayla總是充滿熱情，會鼓勵我分享進展和所面對的困難。她的支持和理解讓我感到無比安心！即使在過程中有時會遇到小小的挫敗，她總能給予我正面、積極的回饋和建議。
通過Kayla的指導，我學會了如何以健康的方式看待飲食和生活，亦加深了對自己的了解，也讓我對未來的健康生活充滿期待。
我在此衷心感謝Kayla的支持和鼓勵。她不僅是一位優秀的營養師，其開朗的性格更令我在過程中，感覺到滿滿的鼓勵和歡樂，令人充滿動力！謝謝！
Charmaine Kwok ⭐️⭐️⭐️⭐️⭐️
非常感謝Kathy和Kirby的指導和支持，令我順利完成六個月的課程，減了超過12kg！Kirby每星期耐心地為我分析進度，令我學會餐單只是一種工具，清晰的目標、積極的態度和持之以恆的決心才是減肥致勝之道。作為一個愛吃又愛煮之人，Kirby讓我知道減肥不代表只能每餐吃烚菜和雞胸肉，可以選擇的食物種類有很多，畢竟與親友外出聚餐聯誼也是健康生活的重要一環，而保持食物款式多元化，才會令減肥人士更容易堅持下去。我會記著她給我的支持和鼓勵，好好經營曾一度被我遺忘了的煮食分享平台，把更多又有益又美味的健康甜品分享給其他人！
我也非常感謝Kathy在心理層面上給我的指導，她把深奧的理論形象化，令我把良好的進食習慣和姿勢、八分飽肚感等抽象概念緊記和實踐。結合心理輔導的減肥過程真的非常適合我。
這趟減肥之旅除了令我在體型外貌上有所改變，也令我身心都較以往健康自信，我有信心能夠在保固期繼續努力保持狀態，變得更fit更好！
