飯後果飯後果，一聽幾十年，而的確我們的飲食習慣，普遍都是先進餐後食水果。

長輩經常說飯後果幫助消化，又有人說身體仍在消化正餐，再食水果只會加重胃部負擔。飯後果，應唔應該食？

「家營」營養中心營養師黎欣琦（SaSa）說，飯前食水果飯後食水果，各有好處。水果本身有豐富的纖維，水份亦比較高，如果飯前先食水果，可以增加飽肚感，令進食正餐的份量減少，無形中熱量攝取減少了，進食正餐過量引致肥胖的機會亦減低。飯後食水果，很多水果都含有一定份量的維他命 C，可以幫助身體吸收鐵質。

飯後果其中一個迷思，就是先食正餐再食水果，會影響消化，不過 SaSa 就說完全無關係。進食的時間和食物消化的程度，沒有直接影響，不會先食正餐再食水果，消化就會變差。甚至有某類型水果，例如西柚，可以幫助消化。

成年人每日大約需要攝取兩份生果，即是一條中型香蕉或者兩個小蘋果。水果雖然有益，但不可過量進食，要留意果糖攝取量，避免吸收太多熱量以致肥胖。

Source: https://goo.gl/iqDZU6