😉 立即 WhatsApp 營養師 Kathy 預約!

阿融減肥小插曲 - 家營營養中心

最新消息

阿融減肥小插曲

第一次見阿融係由佢嘅經理人 Winnie 帶嚟, 因為 Winnie 喺我度減肥成功, 所以佢就決定帶阿融見下我。

其實阿融都同大家一樣,初初見我嘅時候,有個疑問:

” 我已經一日食一餐,我仲點可以食少啲減到肥呀 ? ! ”

當時我仲係喺煙廠街嘅 office, 嗰度地方唔大 ,我聽到阿融同經理人 Winnie 講 (當然帶住一啲 ” 被迫 ” 同埋覺得 ” 冇期望 ” 嘅語氣!)

我心諗:阿融應該減肥減得好辛苦, 先會講呢啲悔氣嘅說話! 真令人心痛!

Winnie 催促著阿融坐去我隔離, 好似一個唔願意返學嘅學生咁, 於是我就同佢講:「 你係咪覺得 已經好努力, 但係好驚見我會食得仲少過以前,覺得冇幫助?」

阿融樣子開始冇咁想即刻走人, 慢慢咁聽我講:「 其實我會畀返你食一日三餐㗎! 仲要又好味又飽 ,咁你先至會減到肥; 食得又少又慘, 點解仲要嚟搵我?! 不如自己減!」

跟住之後阿融就開始慢慢聽我解釋:「因為食得太少會影響新陳代謝慢, 而且日頭飲咖啡充飢, 飲品有熱量又唔夠飽,當然好難減肥成功, 而家幫你養番好飲食習慣,新陳代謝自然會快返,就唔會食少少都肥啦 !」

一個禮拜過後,阿融就即刻減咗 兩磅, 佢嘅減肥嘅信心就返曬嚟 ! 原來阿融仲好識煮嘢食,佢嘅餐單一部分喺街外面食, 一部分就會自己整,無論社交工作或者自己健康生活都做得好平衡!

有陣時我哋仲會講下心事, 經過 1 個幾月, 阿融就減咗 10 lbs, Fit 哂!

希望大家減肥都好似阿融, 減得成功又開心,唔使再受節食嘅折磨,Cheers !

Source: https://bit.ly/3SrVGsW