現在佢唔會覺得食嘢係罪？

我認識 Cherry 已經有一定嘅年數，因為 Cherry 結婚前都搵過我減肥，睇住佢由女仔做咗人妻，再生埋兩個仔，兩個仔已經讀小學，真係可以話睇住佢成長！

唯一一樣嘢困擾 Cherry 嘅就係體重! 想當年幫佢減肥嘅時候，佢成日食得好齋，例如天天白烚魚蛋米，我成日擔心佢好悶！
但係佢話：「我得㗎！我忍到！」但係不到兩三個禮拜，佢都會去放監，食零食…… 到最後就算減到三、四十磅，幾個月後過咗個 big day 就會反彈番！跟住又再減過肥，惡性循環！

其實真係有好多人同Cherry一樣，所以喺呢兩年我哋不斷咁改良心理輔導技巧 CBT，做 Mindful Eating，成件事就唔同曬！

今次 Cherry 覺得今次減肥完全唔緊張磅數之餘，仲覺得期待每次黎 ( 梗係因為見到我 ) ！以往佢會減唔到磅數就會鬧自己忍唔到口，覺得自己好為食！現在佢唔會覺得食嘢係罪，Mindful Eating 教懂 Cherry 點樣食雪糕食最喜歡嘅牌子，唔使戒口忍口，食完又鬧自己，只要用心感受食物，同喜歡嘅食物做朋友，令佢心情平復好多！佢話佢好有信心再繼續減落去，再減多二、三十磅都冇問題，我哋一齊支持佢啦！