尋日喺旺角公司嘅 consultation room入面，新客人 Natalie 同我有一段有趣嘅對話：

客人：「Kathy，我唔得閒嚟㗎，我可唔可以 online consultation 呀？」

Kathy 營養師：「當然可以啦！日常有咩事令到你咁忙呀？」

客人：「我一放工就要返屋企睇囡囡。我個女好黐身㗎，係唔可以離開我半步㗎，佢好多嘢都要我㗎，甚至乎唔要爸爸。」

Kathy 營養師：「如果個女成晚黐住你，都真係好辛苦喎！」

客人：「係呀，我夜晚都要湊住佢瞓覺，跟住我又連隨瞓埋，第二日又要返工，返工又好忙碌，放工又要衝返屋企睇個女，星期六日全日阿女又要黐住我。」

Kathy 營養師：「你都好辛苦喎，我覺得你用好多力去照顧你屋企喎。」

客人：「係呀，冇辦法啦，個女淨係黐我吖嘛。」

Kathy 營養師：「你用咁大力量照顧個女，又照顧屋企，又返工，你長遠係咪支持到㗎？我真係有啲擔心你，真係戥你辛苦。」

客人（眼泛淚光）：「其實我都想有啲私人時間，我朋友都同我咁講，但係我做唔到呀

其實好多媽媽都好似我呢位客人咁，但係親子就係一個互動，表面上小朋友好似好需要你咁，但係實際上大人都有暗示畀個小朋友，就係小朋友成日黐住自己，甚至連爸爸都唔黐，就會有一種好特別嘅感覺，令到自己好超然同埋好滿足。 呢個就係 secondary gain 嘞！

喺呢個時候就會加強咗喜歡個女黐佢，被照顧嘅感覺

於是個女又更加做乜嘢都要黐住佢，又要搵佢玩，令佢更加甩唔到身

雖然 attachment 係好重要，但係 attachment 都有分 secure 同 insecure。其實呢個都未必係一個 secure 嘅關係

Secure 嘅關係，係指小朋友能夠獨立自己去玩，去探索呢個世界，但係又唔會覺得冇安全感（分離焦慮），呢個先係最好嘅關係

我解釋咗畀呢位媽咪新客人知，佢都好明白，好想有一個新嘅平衡，所以佢決定參加我哋嘅 program

所以新客人就話：「我要改變自己，要快啲開始！」

其實做香港嘅媽媽真係好威水，又返工又照顧小朋友，犧牲 曬自己個人嘅私人時間，甚至犧牲埋事業嘅發展空間，背負咗好大嘅 workload 但係都唔知得唔到預期嘅效果，但其實真係可以做得輕鬆啲

希望每個媽媽都好似客人 Natalie 咁，又可以平衡生活，又可以返工湊仔女，減完肥之後連隨呢半年成日放假去咗旅行，轉咗工辛勞咗又要適應，都能夠可以減到 20 磅又 keep 到半年

祝大家母親節快樂！我哋係時候做一個平衡嘅媽媽，而唔係一個死頂嘅媽媽

Source: https://shorturl.at/acmqS