😉 立即 WhatsApp 營養師 Kathy 預約!

【飲食習慣係身教】× 【營養師 Kathy】 - 家營營養中心

最新消息

【飲食習慣係身教】× 【營養師 Kathy】

今日喺 office 充滿小朋友天真嘅笑聲!因為見到客人嘅仔仔, 小朋友圓碌碌好可愛!想咬下佢隻”雞髀仔”!

仔仔好乖咁坐埋一邊一路食餅乾, 一路等我同媽咪做 consultation, 睇見仔仔三塊三塊咁張餅乾一次過塞入口, 食得好滋味, 就好可想然之媽咪嘅飲食模式係點樣! 呢個喺輔導上就叫 modeling, 又即係身教! 仔仔學曬啲壞習慣㖭!

客人成日擔心:「我都係減唔到 la ,我真係好為食!」 大禍臨頭咁款! 於是,今日我就教仔仔食餅乾, 希望調返轉仔仔做一個 model 畀媽咪睇下,食嘢嘅模式可以係食得好滋味 , 等佢唔經唔覺學習下 Mindful Eating,唔使食好多就好滿足!

我發現仔仔係唔能夠將塊餅乾咬斷, 再慢慢咀嚼吞入喉嚨 ! 當我一路教佢點樣食餅乾, 媽媽亦好快領悟到佢應該點樣食, 先至可以品嘗到食物。

今次仔仔可以做營養師助手, 返去跟進媽咪飲食模式有冇改善! 下次佢會嚟同我報告!Roger!

Source: https://bit.ly/3ASHDpM