客人 Judy 畀人嘅感覺好舒服，佢第一次入嚟我嘅 consultation room，我已經感受到一種好平靜嘅氣場，讓我哋嘅互動可以更多，要知道人與人之間嘅關係就好似一面鏡子

Judy 問我話佢係一個素食者，係咪都可以跟到餐單減到？

其實無論係素食餐單、家庭餐單，又或者 OL 外出餐單，規劃餐單對於我哋嚟講，已經耳熟能詳 ( 已經廿幾年經驗 )

因為始終我哋細個時候，家境唔好，好多時做大女都要幫手煮飯，所以對於食物嘅認識及煮法，或者出去食點樣選擇質素高又好味又較為健康，都係冇難度

咁難度係啲乜嘢 ？

☆ ” 當然係點樣將個計劃實行 “

點樣將營養餐單變得貼地，永遠 ” 諗 ” 係天下無敵，“ 做 ” 就無能為力，“ 諗 ” 同 “ 做 ” 出嚟係有個鴻溝喺度，輔導技巧就係一個膠水，要客人主動付諸實行

☆ ” 心理營養師唔夠惡，減唔到 ? “

其實 “ 威逼 ” 同 “ 利誘 ” 都係一個唔好嘅方法

• “ 惡 ” 嘅營養師 –> 只會教客人講大話
• “ 懶好人 ” 既營養師 –> 表裏不一（表面上話唔緊要，最後開一個食唔飽嘅餐單，又或者叫你做多啲運動，只不過係笑住咁講）

♡ ” 心理營養師會有一條底線 “

會識得用輔導技巧幫客人搵出根源問題，其實跟唔到餐單只係表面嘅行為，找出內裏嘅原因，先至係最重要，再幫客人定立方法 ( 例如每逢五點鐘搵零食，其實唔係叫客人唔好食零食或者搵零食代替品，而係因為客人工作至五點鐘，可能做到好攰想食啲嘢，最終要幫手處理客人 “ 攰 ” 嘅問題）

客人 Judy 本身係一個佛教徒，好重視身心平衡，所以佢覺得搵我哋幫手，唔會令到減肥減到失咗平衡，無論生活同埋同食物嘅關係，依然都會好好 – 20 lbs

最後 Judy 減肥成功仲送咗份禮物畀我，係一條硨磲 108 佛珠，佢話呢條係代表藥師，祝福我健康之餘，亦都希望我繼續帶俾其他人哋健康

亦都多謝佢成日介紹朋友仔比我，咁肯定我，令我有信心繼續帶健康畀人

Source: https://bit.ly/3ElpPEp