客人 Pinky 減走13磅 回復生B前身型 唔使用低卡零食作為減肥零食代替品

Pinky 嘅減肥路上遇到大大小小常見嘅困難，例如奶奶煮飯太叻太好味、假期出去食飯要就屋企人同小朋友、工作壓力又唔細等等。

喺減磅嘅過程中，Pinky 非常坦白咁話唔想放棄奶奶嘅牛仔骨、假期嘅快餐店早餐，但一樣都可以穩定咁減落去。

喺家營嘅 Mindful Eating 飲食概念裏面，我哋認為最重要係了解自己嘅飲食 pattern， 究竟係因為乜嘢原因想食嘢， 例如懂得分清楚如何應付壓力， 點樣處理對零食嘅慾望， 懂得分辨飽餓，就可以減少不必要嘅飲食，亦都可以令每一餐十分滿足，不含批判性，唔會自己鬧自己點解咁”為食”。

中間好多時候 Pinky 因為工作太忙，好多時都要臨時開會，十分忙碌，所以佢有時擔心自己會唔會減唔到。

喺依個時候，我地同 Pinky 一齊諗返當初想減磅嘅動力，搵返個 motivation，一齊討論遇到嘅問題， 了解自己嘅情緒及飲食 pattern。例如喺忙碌嘅時候就提供一啲方便快捷嘅建議比 Pinky， 學識點樣應付壓力，令佢可以專心平衡壓力同埋飲食。

依家嘅 Pinky 已經學識左平衡自己喜歡嘅食物，又可以兼顧與屋企人嘅時間，同時回復番自己嘅身型，美美地過聖誕新年。另外都好多謝Pinky 好客氣送左隻好可愛嘅 Linabell 原子筆比我， 對我嚟講係一份肯定同支持！

Source: https://bit.ly/3QhFidC