營養師 harsh 唔代表有成績！「做好人」亦唔代表就係輔導！

「我想快啲有成績，你可以對我 harsh 一啲！」；

「營養輔導？係咪即係個營養師好 soft、好好人咁解？」

上面嘅說話，係好多第一次見我嘅客人同我講嘅

其實營養輔導減肥，係一個「自我發現」、「自我成長」嘅一個過程，了解自己做得好嘅地方同埋找出自己嘅盲點

有啲人以為，減肥要個營養師或者教練 strict 啲先得。但其實「strict 啲」等於 ‘punishment’，係希望令個客人怕自己而去做跟自己嘅方式去做

而 punishment 只會令營養師同客人嘅距離越嚟越遠，製造溝通障礙，最後令客人「怕交唔到數」好容易放棄

咁調返轉頭，soft 營養師「做好人」，又代唔代表係輔導呢？

如果有一個營養師係笑住咁同你講道理、說教，其實都係 punishment 嘅一種，只不過係笑住口去講咁解。相信大家細個都好怕啲大人擺起個款，同你講啲大道理。其實情況係一樣嘅

既然唔可以威逼，咁利誘又得唔得呢？

大家又可以回想細細個嗰陣時，默書成績好，大人就畀你去「禮物山」嗰度揀一份禮物。咁一旦「禮物山」消失，你就好容易失去動力。再者，再多嘅禮物，始終會有一日感覺麻木，推動力一次比一次低

所以，以上都唔係發掘真正問題同埋盲點嘅有效方法

營養輔導，就係用輔導技巧同你一齊發掘你嘅盲點，陪伴你成長，令你搵到解決方案，亦都好坦承話畀你聽你嘅盲點係乜嘢

透過輔導嘅方法，你會不斷咁自我發現同埋成長，盲點越嚟越少，成功嘅方法越嚟越多

喺營養師同你建立互相信任同埋關係之後，你會一步一步解決根源嘅問題，體重管理自然事半功倍

每次你返嚟見營養師嘅時候，你自然會感到內心平安、平靜，而唔係要返嚟「交數」

就好似今次嘅成功例子，客人 Christine 咁樣，我哋同佢一齊解決生活上嘅種種問題，包括照顧小朋友嘅學業；作為媽咪喺生活上遇到嘅困難；乃至於事事以家人為先，自己排到最後……等等

而家 Christine 已經成功減咗 20 磅啦！但當中嘅得著，遠遠唔止可量化嘅 20 磅，更加係我同 Christine 一齊喺成長過程嘅得著

“The best is yet to come”，希望我同 Christine 以及你，將來繼續一齊成長同埋進步！

最新消息