隆胸後遺症｜赴韓隆胸年半即後悔拆彈港女留3大後遺症：花錢買4條大疤 (晴報)

隆胸手術風險大。近日一篇香港女生赴韓隆胸的經歷的文章引起熱議，事主無視家人及男友反對堅持隆胸，年半後卻浮現各種後遺症，包括胸部硬痛、手部麻痺及手感差等，最終決定「拆彈」，形容自己「花大錢買來身體上 4 條大疤」，盼以自身經歷警世。

隆胸喪命｜為穿低胸婚紗出嫁圓夢，21歲準新娘隆胸後腎衰竭亡，友人：她未婚夫其實反對：

該篇文章昨日（15 日）在網上討論區「連登」引起熱議，獲得逾 5,000 個「正評」，翻查資料其實是轉載自 3 年前的帖文。該名女事主當時表示自己身高 172 厘米，體重 115 磅，胸圍 B 罩杯。她自言外貌雖不出眾但身材勻稱，卻一直希望「再完美少少」，於是到韓國整型公司做隆胸諮詢。

她指當時遭到家人和男友大力反對，連相熟美容師也極力勸阻，「佢都係做完又拆，好後悔」。然而她當時十分「硬頸」未有理會，並請懂韓語的友人幫手翻譯有個照應，至2018年底在一間有名氣、院長曾上節目的醫院接受隆胸手術。

其接受的隆胸手術是在兩邊腋下開刀，在胸大肌下用刀剝開一個空間再塞入假體。她選用當時最新的物料「Motiva」，兩邊胸部各注入 275 立方公分，「Motiva 係號稱唔使按摩，企喺度會自然下垂，瞓低又會攤開嗰隻」。她形容術後醒來時，10 分痛感達 6 分，「係畀人打完一身嗰種酸痛……雖然話用內窺鏡唔會出太多血，但你諗吓，係硬生生用刀剝開你2層肌肉，所以肌肉都會好傷」。

隆胸年半 3 大後遺症

事主隨後經歷漫長的恢復期，在1年半間3大後遺症漸漸浮現。首先是隆胸後胸部又痛又硬，「瞓低係 2 個大碗，每日個胸赤痛、酸痛嗰種，好難受」，而且「手感」較假，

「畀足半年都仲係又硬又痛，我自己預咗假體實係假，但見廣告話咩可以同真胸比，根本諗多咗。呢隻 Motiva 話就話唔使按摩，但我整咗年幾，一唔按就會硬，按番就好少少。」

她曾向乳房外科醫生諮詢，對方指當身體有異物時，定會產生莢膜變硬，不按摩未必會造成莢膜孿縮，但要有心理準備會像石頭一樣，「瞓覺嗰陣側瞓真係好辛苦，好似畀嚿嘢扯住扯住咁」。

其次，她懷疑醫生開刀時切到神經，令她醒來時出現手麻和痛感，但院長否認責任，並指是事主本身問題。她指明白手術多少會有後遺症，畢竟腋下有很多神經，「整型醫生同中介一定唔會同你講有後遺症，講咗點賺你錢呢……我今次搵呢間係韓國正規醫院，個院長做咗 10 幾、20 年隆胸手術，咪一樣係咁。即使失敗率只有 0.000001%，當發生喺你身上，就係 100%。唔係整形有風險，而係任何手術都有風險，自己衝量博唔博得過啦」。

其三是做假體隆胸終有一日要再接受手術，將假體取出，「預咗10年、8年後要攞番出嚟，一定唔會係一勞永逸，冇永久隆胸呢回事」。她指隆胸前要有心理準備 10 年後再接受全身麻醉開刀，「拎番出嚟再擺多個新嘅入去」。

經過 1 年多的折磨，事主決定拆除假體，除了有後遺症和痛感需要適應，亦「花大錢買來身體上4條大疤」。她又指做假體隆胸，拆除假體後乳房出現下垂和皺皮，「我只係做咗 1 年幾，拎番出嚟，啲皮都已經鬆晒。我以前B級，而家拎番出嚟後皮膚又鬆又下垂，睇落得番 A 」。

事主：整容如賭博

事主坦言以前會打針做微整型，認為外表就是一切，如今會以健康為重，「錢冇咗，我努力再賺，健康冇咗，邊個賠畀我。我寧願將呢筆錢，花去做 gym、食嘢、陪吓家人。為咗胸前二兩肉，花千金又傷又痛，值唔值得？」

她希望透過自身經歷，讓有意隆胸的女生更了解手術過程和後遺症，提醒她們要深思熟慮，「我自己呢個錯誤嘅決定，用咗好多金錢、時間、健康去彌補，我真係唔希望會有其他姊妹好似我一樣重蹈覆轍。整容如賭博，有輸有贏，再好嘅醫生都可能出錯」。

「如果你問我，而家嘅我一定係會叫你唔好隆胸。如果你一定一定要做，請預備一筆 touch wood 整型失敗嘅錢，for 重修又好，拆除又好。」

隆胸後遺症 12 大症狀

接受隆胸手術恐有不少風險。其中「隆胸後遺症」（Breast Implant Illness，BII）也被稱為「由佐劑引起的自身免疫/炎症綜合症（ASIA）」，是指在乳房重建手術或隆胸手術後出現的廣泛症狀，植入任何類型的假體（包括矽膠、生理鹽水、圓形或水滴形）都可能患上此症。據美國非牟利機構「breastcancer.org」指出，「隆胸後遺症」有以下 12 項主要症狀：

隆胸恐增患癌風險

早前有多項研究發現，隆胸恐增加患癌風險。有澳洲研究指，隆胸植入假體或誘發可致命的「間變大細胞淋巴瘤」（BIA-ALCL）；亦有美國研究顯示，採用矽膠假體隆胸後，婦女患風濕性關節炎風險較常人增6倍、皮膚癌風險增4倍，生育死胎風險亦高 4.5 倍。

拆解 6 類豐胸食物效果

想豐胸未必要用極端方法。香港營養師學會認可營養師吳耀芬（Kathy）早前接受《晴報》訪問時表示，對於坊間稱多吃豆漿、木瓜奶、蛋奶類製品、魚湯、蜂黃漿及膠質食物（例如腳、雞腳、魚皮、豬皮、海參等）能有助豐胸，她從營養學角度分析指，上述6類食物雖可提供蛋白質及脂肪的來源，屬於有助乳房發育的營養素，但並非有針對性刺激乳房發育的食物，故不建議盲目進食，「適量配搭在日常飲食中即可」。