• 28
    06月
    急凍雲吞
    呢隻急凍雲吞好適合減緊肥嘅大家食咖, 四粒就等於1份五穀同2份肉。
    有搵過我幫手減肥嘅朋友一定識計la 

     

  • 介紹俾大家 老少咸宜「栗子糊」

    —————
    材料: 栗子、米、玉米、黃冰糖、脫脂奶
    做法
    1. 將栗子去衣
    2. 用攪拌機將米打成米糊,再加入栗子打成栗子糊
    3. 將栗子糊同脫脂奶倒入鍋内煮滾,期間不斷攪拌
    4. 最後加入粟米粒同埋隨個人喜好份量嘅冰糖

    咁就成為老少咸宜嘅「栗子糊」la !
    栗子含有好高既澱粉質,可以提供俾大家充足能量,佢又有好多蛋白質,同埋鈣質同鐵質,最重要嘅係栗子好低脂,適合晒著重健康嘅大家。

  • 好多朋友都有一個諗法,就係唔食飯可以減肥,等我同大家分析下啦。
    當大家唔食飯既時候,個肚自不然會覺得唔夠飽,喺呢個時候,大家就會去搵一d隨手搵得到既野食,最常見既就係餅乾。其實好多餅乾都係好肥咖,尤其是朱古力餅、酥餅、夾心餅呢類甜餅乾。食四、五塊朱古力餅既熱量隨時就等於半碗飯,如果係純牛油曲奇既話,熱量可能會更高。如果要食朱古力餅食到飽既話,熱量隨時有兩餐正餐咁多,但係吸收既營養又完全唔均衡,對身體完全冇益。
    又有一d朋友會忍住肚餓咁節食減肥,雖然短期内可能會減到一d,但減完之後好常會有一種好似「放監」既心態,於是就放任自己暴飲暴食,最後結果係體重反彈,甚至比原本更加肥。所以要減肥,一定要用適當既方法ar。:)

     

  • 介紹比大家呢隻綠田源鮮奶,佢嘅高鈣奶嘅鈣質係鮮奶本身嘅天然鈣質而唔係人工添加落去咖。另一個好嘅地方係佢有自家農場一站式生產同包裝,衛生同品質都好可靠,啱晒鍾意天然同健康嘅大家 

     

  • 天時暑熱去沙灘玩水, 大家可以喺屋企先將一支烏龍茶雪到變冰, 咁去到沙灘就算幾個鐘都可以有唔肥又冰涼嘅嘢飲啦