• BBQ想食得健康,食物又要燒得靚同均勻,其實都唔係好難啫。

    好多人都想快啲凍,終於畀你恨到,周末冷峰到,氣溫會跌到攝氏16度,呢啲時候仲唔快啲約齊班friend去BBQ?不過女仔最怕燒嘢食熱量高脂肪多,而男仔最驚係唔識拮嘢「吊吊揈」失禮晒女神!咪話唔醒你,出發前睇定呢個懶人包,有營養師Krista教你點食得健康,仲有燒烤達人麥師傅教點樣叉食物至穩陣,唔睇你蝕底。

    【咁至食得營】
    自行醃肉
    市面上預先醃製的肉類,脂肪和鹽分都較高,建議大家自行用天然醃料醃肉,例如可將蒜頭加鹽、或把黑椒粒加入喼汁,可用以醃肉或塗麵包,一舉兩得。

    薄塗蜜糖
    燒到咁上下通常都會喺食物搽上蜜糖,但其實一茶匙的蜜糖已含20卡路里,不如考慮一些取替品,如用水把蜜糖調稀、選擇市面上蜜糖噴霧,也可減低蜜糖的攝取量。

    謹選肉類
    一些近骨位的肉類如雞翼、金沙骨、牛仔骨等,它們的脂肪含量都較高,扒類如牛扒、豬扒、或去皮的雞扒都是較好的選擇,以海鮮如蝦、蜆去代替肉類亦可。而丸類方面,以牛丸、蝦丸代替有餡的芝心丸、芝士腸,亦可減少脂肪的攝取。

    切成小件
    燒焦的食物含有致癌物質,所以燒烤時不妨將肉類切成薄片或小件,容易熟透之餘亦不會易於燒焦。另外亦可把肉上可見的脂肪切除,避免油脂滴到炭上,減少致癌物產生的揮發。

    多吃水果
    燒烤時可多吃些新鮮水果,如香蕉、奇異果、橙等,它們含有豐富維他命C,是天然的抗氧化物,可減輕致癌物質對身體的傷害。

    無糖飲料
    面對高溫火爐,自不然要飲下汽水或凍飲解渴,為免喝下大量高糖飲品,不防選擇低糖或無糖紙包飲品、樽裝涼茶等,又可自製檸檬梳打水、雪梨水、夏枯草以作解渴。

    【咁至燒得型】
    講完有營貼士,去到燒烤場又點搞呢?輪到燒烤達人麥師傅教大家叉食物嘅貼士,其實都大有學問架。

    肉類篇
    叉雞中翼時,雞翼的刀口要向着身體的方向,然後先挑皮叉入、再挑肉叉到最入位置,咁就夠穩陣。至於叉牛扒,是先將燒烤叉收窄,用單邊叉入牛扒的一邊,然後用另一邊叉拮入牛扒另一邊,翻轉後叉實牛扒頂部。

    海產篇
    如果是燒多春魚的話,可以直接將魚放在收窄了的燒烤叉上面燒,耐心地先燒香一邊,約燒5分鐘後,魚皮的油脂就會黏住燒烤叉,這時翻動,魚便不會跌下來。至於叉蝦就可一邊叉一隻,蝦頭對蝦頭。蝦頭向上,由蝦腳位直叉上蝦頭方向。燒的時候不要離火太遠,因為蝦離火燒會黏殼,所以宜近火不時轉動來燒,蝦肉就容易離殼兼肉爽。叉鱔時要留意燒烤叉要拮入鱔肉最厚身的位置,不要叉鱔皮,因皮會遇火收縮。鱔肉在高溫燒烤時釋出油分,且會黏住燒烤叉,此外翻動燒烤就不會吊吊揈。

    蔬菜篇
    食咗咁多肉,都要食番啲蔬菜平衡下, 想食金菇的話,只要簡單加點牛油和生熟蒜蓉,以錫紙盤和錫紙包好,放在爐火中央燒15分鐘便可。至於豆角,可以單邊叉插入豆與豆之間的豆莢,以細火來燒,燒約5分鐘。番茄就要預先切半插好,細火先燒茄肉一邊,再燒外皮一邊,約5分鐘見外皮爆開便可以。最後不如來點水果,菠蘿連皮切件插在叉上,細火慢燒約3分鐘後,再放低炭火一點燒多2分鐘便成。

    自行醃肉可減少脂肪和鹽分的攝取。

    一茶匙的蜜糖已含20卡路里,唔好落咁多呀。

    燒烤前切走肉上可見的脂肪,可避免油脂滴到炭上,減少致癌物產生的揮發。

    以牛丸、蝦丸代替有餡的芝心丸,是健康的選擇。

    燒烤時不妨多吃蔬菜。

    多吃含維他命C的水果,可減輕致癌物質對身體的傷害。

    以無糖飲料解渴,是燒烤時的明智之舉。

    燒烤達人麥師傅教大家正確的叉食物技巧,無論係牛扒、魚定係蔬菜都無難度。

    叉雞中翼時,雞翼的刀口要向着身體,然後先挑皮再挑肉,叉到最入位置最穩陣。

    叉牛扒先用單邊叉入牛扒的一邊,再用另一邊拮入牛扒的另一邊,翻轉後叉實牛扒的頂部即可。

    直接將多春魚放在收窄了的燒烤叉上面燒。

    耐心地先燒香一邊,即大約燒5分鐘後,魚皮的油脂就會黏住燒烤叉,即使翻動多春魚亦不會跌下來。

    叉蝦時,頭要向上,在蝦腳位置直叉至蝦頭方向。

    叉鱔要將燒烤叉拮入鱔最厚肉的位置,要避開因高溫而收縮的鱔皮。

    錫紙盒放好金菇,加上牛油和生熟蒜,包實放在爐火中央,燒15分鐘,期間不用打開錫紙。

    別以為豆角很難燒,以單邊叉叉好豆和豆間的豆莢,簡單燒約5分鐘便成。

    番茄切半後,先燒茄肉一邊,翻轉再燒連皮一邊,約5分鐘見皮爆開便燒好。網上流傳在番茄肉上加芝士去燒,夠惹味。

    菠蘿連皮切件,簡單以叉叉上,細火燒數分鐘,再近火燒約2分鐘。

    Source: https://goo.gl/SCcixE

     

    留言