😉 立即 WhatsApp 營養師 Kathy 預約!

單身約會點先自然又有話題 - 家營營養中心

單身約會點先自然又有話題

而家 OT 好正常,好多時候忙到連正餐都無時間食,更何況去識下人?

好多客人都會同我地講去試 d 約會服務,睇下有無機識到真命天女 / 天子。

單身約會點先自然又有話題,等我 Kathy 營養師 ( 今次身份係 NLP 導師 ) 教教你啦 !

女仔貼士

1. 欣賞才華

需要速配約會服務既男仔,唔少係事業心重到無時間識女仔,事業有一定成就既。女仔不彷問下男仔工作上既成就,因為欣賞佢嘅才華,喺男仔心目中就係對佢既肯定。咁佢自然會同你分享更多關於佢既野俾你聽啦!

2. 有少少儀態就夠,唔係會顯得拘謹

約會係了解對方既過程,唔係皇室盛宴。女仔太著重儀態,可能令到男仔感覺拘謹,結果連講句說話都好似要深思熟慮咁,影響約會氣氛。大家記住,女仔心目中既斯文,喺男仔心目中好可能已經係非常斯文;女仔心目中既非常斯文,喺男仔心目中好可能已經係拘謹。

3. 性感不如感性

性感打扮雖然可以令人留下深刻印象,但如果講想建立長久關係,就未必有幫助。感性、理性可以令大家感情細水長流,但性感通常只係達到短暫既刺激。

男仔貼士

1. 抽離工作上既權威

可能你喺公司好有地位,但記住而家係約會,唔係返工;你既約會對像亦都唔係你既個人秘書。想大家真心交流,你可以放低工作上的權威,好平等咁樣分享下大家既感受。

2. 約會唔係比武招親

好多男仔都有一個諗法,就係「我收入又高,學歷又高,d 女仔無理由唔揀我。」但約會唔係比武招親,亦唔係男人同男人之間既比試。喺女仔心目中,一個叻既男仔,未必及得一個了解佢同錫佢既男仔。

3. 多聆聽,少意見

男仔同其他人講心目中既想法,係希望得到有用建議;女仔同其他人講心目中既想法,係想抒發一下,喺情感上得到共鳴。細心既聆聽,微微點頭,情感交流已經盡在不言中。

營養之外,心理技巧都係我專長,有機會我會再同大家分享我既心得咖~

客人試個間叫 eSynchrony, 主要做一對一性格配對,約會前仲會驗證客人資料,好似穩陣 D。

有興趣既單身男女可以了解下: http://bit.ly/Kathynutrition