😉 立即 WhatsApp 營養師 Kathy 預約!

誤跟生酮飲食搞到眼前模糊,食返澱粉質成功減咗 11 磅! - 家營營養中心

最新消息

誤跟生酮飲食搞到眼前模糊,食返澱粉質成功減咗 11 磅!

誤跟生酮飲食搞到眼前模糊,食返澱粉質成功減咗 11 磅!

今次同大家分享嘅成功例子,係營養師 Amy 嘅客人 Ryan 兩兄弟,分別減咗 11 磅同 16 磅。

當大家回想少年十五二十時嘅日子,都會好重視朋輩嘅睇法。Ryan 亦都係一樣,見到身邊嘅同學都係比較瘦,但係自己又有個肚腩仔喎,咁就梗係想減肥啦!

起初佢唔知用咩方法減肥先好,於是就道聽塗說用咗生酮飲食,以食肉為主,只係食好少嘅澱粉質。

好快,Ryan 就覺得自己經常都唔夠精神。而又因為擔心食太多影響減磅進度,食每一餐都唔覺得享受。但係為咗瘦,佢都勉強自己繼續用生酮飲食減肥。

至於用生酮飲食減肥有冇落磅呢?其實都有嘅,不過 Ryan 發現有好多副作用,同埋一唔繼續跟生酮飲食就反彈得好快

副作用最嚴重嗰一次,就係當 Ryan 係街踩緊單車嘅時候,突然之間眼前一片模糊,覺得個腦同眼睇到嘅嘢 disconnect 咗,非常驚險,好彩冇跌倒。

Ryan 知道自己身體出咗問題,於是打俾屋企人求救。返到屋企之後即刻食番一碗飯,之後精神果然好返。

呢次事件令到 Ryan 屋企人好擔心,知道唔可以再繼續用生酮飲食減肥,於是 Ryan 媽咪就帶咗 Ryan 嚟見我哋營養師 Amy。

營養師 Amy 首先就同 Ryan 解釋,要健康減肥嘅話,均衡飲食係好重要,所以要食返適量嘅澱粉質。營養師 Amy 仲好詳細咁樣同 Ryan 講點樣喺出街食嘢嘅時候揀低脂嘅健康食物。有一大班 friend 嘅 Ryan,梗係好開心啦!

好快,Ryan 就已經減咗 11 磅,以前唔相信減肥可以食澱粉質嘅佢,而家減緊肥竟然可以出街食佢一向最鍾意嘅粉麵飯,又可以同屋企人朋友打邊爐、韓燒、食自助餐……等等,呢一切都令 Ryan 覺得好開心。

原來,健康真係會感染屋企人㗎。屋企人見到 Ryan 健康咗又瘦咗,於是帶埋佢細佬一齊嚟見營養師減肥,佢細佬仲減咗 16 磅添!

而家兩兄弟都建立咗健康嘅飲食習慣,精神又好咗,成家人都覺得放心又開心。

健康同幸福一樣,係會感染一家人嘅!

Source: https://bit.ly/3V9TxCL