網誌存檔: 2014年 06月

  • 好多人都以為飲茶果種去肥膩嘅感覺可以消除脂肪,但呢種其實只係錯覺嚟咖咋, 脂肪食落肚之後一樣會被身體吸收咖 

     

  • 呢隻即冲「柚子秋葵野菜湯」 卡路里低, 仲有新鮮蔬菜口感同淡淡柚子清香, 啱晒繁忙但又想飲湯嘅大家。

    大家又知唔知,秋葵嘅營養成分好高咖,有蛋白質、維他命A、B群、鈣、磷、鐵等。有助消除疲勞、恢復體力。

    如果大家想試下新鮮秋葵嘅話, 我公司樓下街市都有得買咖!

     

  • 屋企嘅自家種小蘆薈,好可愛ar~~

     

  • 介紹俾大家 「低脂嫩豆腐豬肉卷」

    材料:
    - 瘦豬肉片 (超級市場買得到)
    - 上等日本嫩豆腐 (超級市場買得到)製法:
    1. 用「醃肉4寶」 ( 豉油、豆粉、鹽、糖) 將瘦豬肉片醃好
    2. 將豆腐切成條狀,用醃好嘅瘦豬肉片包住
    3. 放入蒸爐蒸十分鐘
    4. 從蒸爐取出, 用易潔鑊加半茶匙油煎香兩邊就得咖啦!

    因為瘦豬肉片包住豆腐,雖然脂肪含量好低,入口時卻做到一種既香口又軟熟嘅豐富口感, 完全適合減緊肥嘅大家!

     

  • 行超級市場發現o左呢隻好低脂既日本餅乾,下午茶食一小包既飽肚又唔肥~~

     

  • 爽口豬腳薑唔肥的謬誤
    …………
    好多朋友都以為豬腳薑經過長時間嘅烹調之後,豬腳皮上面嘅油會迫晒出嚟,剩低一隻爽口又唔肥嘅豬腳。 呢個其實係錯覺嚟咖!雖然豬腳經烹調後係出咗好多油,但大部份嘅脂肪依然留喺豬腳上。 爽口只係錯覺,隻豬腳依然好致肥咖!

     

  • 今晚屋企煮「蒜蓉炒紫椰菜」食~~

    紫椰菜好有益咖,佢有豐富嘅維他命C, 維他命E同埋維他命B雜, 可以作為身體嘅抗氧化劑。 有抗衰老、 保持皮膚健康、 提高血液含氧量、 幫助燃燒體內脂肪、同埋預防感冒嘅效用。

    今晚我用咗蒜蓉炒。做法好簡單, 將切好嘅紫椰菜同埋蒜蓉,落一茶匙油中火炒就ok。 
    方便得嚟仲好好味tim~
    (想食嘅朋友唔駛周圍搵,我公司對住個街市就有紫椰菜賣架啦!)

     

  • 同大家分享 「健康小米菜飯」做法
    …………
    材料:
    小棠菜、小米、白米

    製法:
    1. 先將小唐菜烚熟,切碎備用
    2. 用電飯煲將白米同小米煮熟( 白米和小米比例:五比一)
    3. 等白米同小米煮熟後,同切碎咗嘅小棠菜混合
    咁就成為「健康小米菜飯」啦! 唔講大家唔知, 小米有好高鐵質同鈣質咖, 同埋白米一齊煮就夠晒健康啦!

    (小貼士: 小棠菜一定要先烚熟之後至同熟飯混合, 如果將生嘅小棠菜同生米放入電飯煲一齊煮嘅話,d小棠菜會出晒水,成煲飯會變得水汪汪咖。)

     

  • 「低油香草煎雞扒」 製法

    材料:
    去皮去骨雞扒(街市肉檔買得到)
    香草(超級市場買得到 )1.將已去皮去骨嘅雞扒洗淨,印乾水分
    2.用一茶匙生抽,半茶匙生粉,同香草醃5分鐘
    3.燒熱易潔鑊,落半茶匙油,中火煎雞扒
    三分鐘至金黃,反轉再煎三分鐘就可以上碟!

    咁就成為「低油香草煎雞扒」啦, 因為雞扒已經去皮,而且淨係用半茶匙油煎, 脂肪含量比出街食嘅雞扒真係低好多咖 

     

  • 喺Sogo發現咗一包有紫菜、木魚同乾蝦嘅湯底料,好適合用嚟做日式湯底咖 

    做法:
    1. 將湯底料放入滾水
    2. 加入味噌、麵鼓、 豆腐滾下佢
    3. 放入烏東,咁就食得架啦!
    想再方便啲嘅話,可以就咁將湯底料放入滾水再加日式豉油調味, 咁樣就食烏冬或者米粉都一樣好味啦