• 天寒地凍,好多朋友都會選擇飲一杯熱檸水作為補充維他命C嘅方法。但大家可能唔知道,熱水嘅高溫係會破壞檸檬入面嘅維他命C咖!喺大部分情形下,生果入面嘅維他命C含量會喺攝氏60至70度開始大幅下降,時間越耐,剩低嘅維他命C就越少。舉個例,如果你同朋友喺餐廳叫一杯熱檸水,杯滾熱辣嘅熱檸水由上枱等到15分鐘攤凍少少先飲嘅時候,可能只係剩番幾份之一嘅維他命C。

    所以我建議大家如果想吸收天然維他命C的話,最好嘅方法就係食新鮮嘅生果嘞!至於邊d生果有較多維他命C、點樣食先最有益,下次再同大家分享丫 

  • 呢隻日式乾蔥花,香口得嚟完全唔會肥。食飯或者食粥個陣灑b喺面真係好香口咖!

     

  • 28
    06月
    香濃木魚
    我地平時食開嘅木魚, 其實係由鰹魚經過多次煙燻令肉質變硬,再刨成薄片做出嚟咖。 木魚脂肪少、卡路里低, 味道又夠香濃,非常適合減肥中嘅大家。 大家可以喺食飯嘅時候放啲木魚碎喺餸面或者飯面,令餐飯更加惹味咖:)

     

  • 大家又知唔知道,士多啤梨嘅營養成分係好豐富咖! 佢唔單止係抗氧化物最高嘅生果之一 ,而且仲有豐富維他命c ,8粒士多啤梨嘅維他命c就等於一個橙。 雖然士多啤梨好淋好易咬, 佢嘅食用纖維只係比橙同埋蘋果低少少架咋! 加上不含膽固醇,卡路里又低, 絕對適合追求健康嘅大家 :)