Krista營養師分享

  •  
     
    我地請到好多好有經驗既導師教授各式健康食譜,仲有由韓國烹飪導師教煮韓國菜tim,真係好多健康菜式咖。
    我地有38 個不同課堂選擇,大家買套票就可以自由揀自己既心水課堂咖la每人每堂用一張套票,送比朋友一齊上都得咖!
     
    套票  現已發售
    = HK$ 350
    = HK$ 1,800
    10 = HK$ 2,800
    大家參考呢度既時間表la~
     
    要買套票就直接搵營養師Kathy或者佢得力助手Janice la (Tel: 6090 2081)~
     
     
    「家營健康營養教室」o係邊?咪o係我地旺角興發商業大廈營養consultation office上一層既1103室囉~
     
    (油麻地A2出口行去家樂坊,然後行去登打士街街尾廣華醫院,過咗斑馬線好景商業大廈,向花園街向前行過咗馬會見到街市,街市就係煙廠街)
     
     
    蘋果日報 訪問家營健康營養教室花絮
     
     
     
     
     
     
     
  •  

  • 介紹俾大家「花膠燉鮮奶」,唔使加糖既甜品
    材料:鮮奶2支,花膠(小) 2片,果皮1角,蓮子15粒。
    做法:
    1.花膠加薑蔥拖水10分鐘,瀝乾備用;
    2.把鮮奶倒入燉盅,將花膠剪成小塊,放進鮮奶中,再加入蓮子及果皮;
    3.燉2小時就得咖啦!

     

    提提大家:世界衛生組織最新建議成人每日糖份攝取量唔應該超過六茶匙(大約每日25克) 。放假自己整甜品,咁就食得好味又健康啦!
  • 介紹俾大家「椰汁木瓜露」,唔使加糖既美容甜品
    —–
    材料:雪耳半朵,熟木瓜半個,枸杞10粒,南棗3粒,百合5片,椰汁半杯

    做法:
    1 木瓜去皮,切成小方塊,備用;
    2 雪耳、椰汁、枸杞、南棗、百合倒入煱中用中細火煮45分鐘;
    3 加入木瓜煮10分鐘就得咖啦!
    木瓜同南棗都含有天然果糖,除o左可以令成個甜品有甜味之外,仲含有豐富既胡蘿蔔素同埋鐵質。而椰汁除o左香之外,佢既脂肪成份仲可以令甜品口感更加豐富tim~ 

     

  • 介紹俾大家 「纖瘦原隻蜆蒸滑蛋」
    …………
    材料: 原隻新鮮蜆、雞蛋
    做法:
    1. 先將洗淨嘅原隻新鮮蜆用水烚熟、 加少少鹽調味
    2. 將烚熟嘅原隻蜆連烚蜆嘅水以「一份蛋,兩份水」比例, 放入蒸爐用90度蒸30分鐘
    咁就成為健康又好味嘅「纖瘦原隻蜆蒸滑蛋」啦!

    提提大家:洗蜆嘅時候可以用多啲鹽擦個彀殺菌,之後用清水沖干淨。
    蒸爐用90度蒸係最好嘅,因此呢個溫度蒸出嚟嘅蛋係最滑同埋唔會起「水泡」咖。

     

  • 介紹俾大家 「 低脂忌廉蘑菇雞肉意粉 」

    材料: 去皮雞髀肉、鮮蘑菇、低脂忌廉、意大利粉

    做法:
    1. 先將意大利粉用水煮熟,備用
    2. 將去皮雞髀肉、鮮蘑菇切片, 之後 用鹽、香草醃味
    3. 用一茶匙油煎香切片雞髀肉,再加鮮蘑菇 一齊煎
    4. 加入意大利粉,麵粉水及低脂忌廉一齊煮
    咁就成為「 低脂忌廉蘑菇雞肉意粉 」la !

    全部材料都可以喺超級市場買得到咖:)

     

  • 28
    06月
    老少平安
    介紹比大家低油健康 「老少平安」

    材料:
    豆腐一磚、雞蛋一隻、鯪魚肉一碗、果皮、鹽調味

    做法:
    將材料順住同一個方向攪拌,之後放入蒸爐,用100度蒸6分鐘。
    咁就成為低油健康又好味嘅「老少平安」啦!

     

  • 介紹俾大家 「低脂嫩豆腐豬肉卷」

    材料:
    - 瘦豬肉片 (超級市場買得到)
    - 上等日本嫩豆腐 (超級市場買得到)製法:
    1. 用「醃肉4寶」 ( 豉油、豆粉、鹽、糖) 將瘦豬肉片醃好
    2. 將豆腐切成條狀,用醃好嘅瘦豬肉片包住
    3. 放入蒸爐蒸十分鐘
    4. 從蒸爐取出, 用易潔鑊加半茶匙油煎香兩邊就得咖啦!

    因為瘦豬肉片包住豆腐,雖然脂肪含量好低,入口時卻做到一種既香口又軟熟嘅豐富口感, 完全適合減緊肥嘅大家!

     

  • 今晚屋企煮「蒜蓉炒紫椰菜」食~~

    紫椰菜好有益咖,佢有豐富嘅維他命C, 維他命E同埋維他命B雜, 可以作為身體嘅抗氧化劑。 有抗衰老、 保持皮膚健康、 提高血液含氧量、 幫助燃燒體內脂肪、同埋預防感冒嘅效用。

    今晚我用咗蒜蓉炒。做法好簡單, 將切好嘅紫椰菜同埋蒜蓉,落一茶匙油中火炒就ok。 
    方便得嚟仲好好味tim~
    (想食嘅朋友唔駛周圍搵,我公司對住個街市就有紫椰菜賣架啦!)

     

  • 同大家分享 「健康小米菜飯」做法
    …………
    材料:
    小棠菜、小米、白米

    製法:
    1. 先將小唐菜烚熟,切碎備用
    2. 用電飯煲將白米同小米煮熟( 白米和小米比例:五比一)
    3. 等白米同小米煮熟後,同切碎咗嘅小棠菜混合
    咁就成為「健康小米菜飯」啦! 唔講大家唔知, 小米有好高鐵質同鈣質咖, 同埋白米一齊煮就夠晒健康啦!

    (小貼士: 小棠菜一定要先烚熟之後至同熟飯混合, 如果將生嘅小棠菜同生米放入電飯煲一齊煮嘅話,d小棠菜會出晒水,成煲飯會變得水汪汪咖。)