Krista營養師分享

  • 介紹俾大家 「低脂嫩豆腐豬肉卷」

    材料:
    - 瘦豬肉片 (超級市場買得到)
    - 上等日本嫩豆腐 (超級市場買得到)製法:
    1. 用「醃肉4寶」 ( 豉油、豆粉、鹽、糖) 將瘦豬肉片醃好
    2. 將豆腐切成條狀,用醃好嘅瘦豬肉片包住
    3. 放入蒸爐蒸十分鐘
    4. 從蒸爐取出, 用易潔鑊加半茶匙油煎香兩邊就得咖啦!

    因為瘦豬肉片包住豆腐,雖然脂肪含量好低,入口時卻做到一種既香口又軟熟嘅豐富口感, 完全適合減緊肥嘅大家!

     

  • 今晚屋企煮「蒜蓉炒紫椰菜」食~~

    紫椰菜好有益咖,佢有豐富嘅維他命C, 維他命E同埋維他命B雜, 可以作為身體嘅抗氧化劑。 有抗衰老、 保持皮膚健康、 提高血液含氧量、 幫助燃燒體內脂肪、同埋預防感冒嘅效用。

    今晚我用咗蒜蓉炒。做法好簡單, 將切好嘅紫椰菜同埋蒜蓉,落一茶匙油中火炒就ok。 
    方便得嚟仲好好味tim~
    (想食嘅朋友唔駛周圍搵,我公司對住個街市就有紫椰菜賣架啦!)

     

  • 同大家分享 「健康小米菜飯」做法
    …………
    材料:
    小棠菜、小米、白米

    製法:
    1. 先將小唐菜烚熟,切碎備用
    2. 用電飯煲將白米同小米煮熟( 白米和小米比例:五比一)
    3. 等白米同小米煮熟後,同切碎咗嘅小棠菜混合
    咁就成為「健康小米菜飯」啦! 唔講大家唔知, 小米有好高鐵質同鈣質咖, 同埋白米一齊煮就夠晒健康啦!

    (小貼士: 小棠菜一定要先烚熟之後至同熟飯混合, 如果將生嘅小棠菜同生米放入電飯煲一齊煮嘅話,d小棠菜會出晒水,成煲飯會變得水汪汪咖。)

     

  • 「低油香草煎雞扒」 製法

    材料:
    去皮去骨雞扒(街市肉檔買得到)
    香草(超級市場買得到 )1.將已去皮去骨嘅雞扒洗淨,印乾水分
    2.用一茶匙生抽,半茶匙生粉,同香草醃5分鐘
    3.燒熱易潔鑊,落半茶匙油,中火煎雞扒
    三分鐘至金黃,反轉再煎三分鐘就可以上碟!

    咁就成為「低油香草煎雞扒」啦, 因為雞扒已經去皮,而且淨係用半茶匙油煎, 脂肪含量比出街食嘅雞扒真係低好多咖 

     

  • 材料: 
    鵪鶉蛋
    燒賣皮 (舊式麵檔有售)
    免冶梅頭肉
    雞蛋白
    冬菇(切粒)
    製法
    1. 將一隻雞蛋白和冬菇粒、免冶梅頭肉、適量鹽混合做成餡料
    2. 將餡料釀入燒賣皮
    3. 把已煮熟的原隻鵪鶉蛋放在燒賣上再放入爐蒸

    咁就成為健康嘅自家製低油鵪鶉蛋燒賣la !

     

  • 材料: 薯仔、鮮奶、幼鹽
    1. 首先將薯仔切開兩邊,放入蒸爐蒸 30 分鐘或以上,直至薯仔變淋
    2. 將蒸淋咗嘅薯仔剝皮
    3. 將薯仔切成細粒,混入熱鮮奶、幼鹽大力攪拌, 即至變成薯蓉 ( 沿同一個方向攪幾分鐘就搞掂 )
    咁就成為健康好味既自家製健康薯蓉啦! 煮多少少同鍾意既人一齊分享,真係又健康又有新意!

     

  • 介紹比大家 – 「低油豆豉辣椒炒蜆」

    材料: 豆豉, 蒜頭, 辣椒,新鮮蜆
    製法: 
    1. 先將豆豉,蒜頭,辣椒切碎做調味料
    2. 用一茶匙油炒一炒調味料
    3. 將洗乾淨嘅蜆同d調味料,加入少少水煮5分鐘
    咁就成為低油又好味嘅「低油豆豉辣椒炒蜆」啦!

     

  • 介紹俾大家纖營豆苗豬肉餃:
    材料包括:瘦免治豬肉、豆苗、餃子皮、 豆粉
    製作方式:
    1. 先將免治豬肉同切碎既豆苗撈均,期間加入豆粉、糖同鹽。
    2. 之後就用餃子皮將餡料包好。
    3. 食既時候用清湯湯底煮就得架啦!
    ( 清湯底方面,可以選擇史雲生清雞湯、雞粉粒、或者我之前教過大家既麵豉湯湯底。呢d都係好瘦既湯底嚟咖)
    包出嚟既餃子唔單止有豬肉既鮮味, 又有足夠既蔬菜纖維同埋葉綠素,而且因為用 新鮮瘦免治豬肉, 身體吸收到高質素蛋白質既同時脂肪含量又不高,減肥得黎又有營養 。
    如果屋企有小朋友既話,仲可以當係一個親子活動tim~ 小朋友好鍾意玩包餃子咖!

     

  • 低油西冷牛扒伴薯蓉
    ————————–-
    製法:
    1. 先將薯仔去皮切件烚熟,然後壓成薯蓉
    2. 用刀切走西冷牛扒白色嘅脂肪,令牛扒更瘦更健康
    3. 灑約共1/4茶匙鹽在牛扒兩面調味
    4. 將鑊燒熱,落1茶匙油將西冷牛扒煎1分鐘,反轉再煎1分
    5. 薯蓉及牛扒一齊上碟
    小貼士:煎牛扒嘅時間可因應厚薄同自己生熟喜好調整,亦可伴自己鍾意嘅蔬菜,如蘆筍、翠玉瓜等

  • 介紹比大家 – 無油瘦身雜菜蛋炒飯
    ========

    1.將雜菜豆氽水備用
    2.將冷飯炒至乾身,落蛋汁炒勻
    3.落幼鹽調味,最後加雜菜豆炒勻上碟
    (貼士:飯要落少啲水煮,因為乾身就更加易炒,而且炒出o黎仲更加好食。)

    大家不妨晚餐時落多啲米,將冷飯放入雪櫃,第二晚放工返屋企只需15分鐘就有美味嘅炒飯食喇:)