營養健康知多d

  • 冰糖燉雪梨 541322_3

    材料

    雪梨  1個

    冰糖  2舊

     

    做法

    1.將雪梨批皮,去核,和冰糖一齊放入燉盅

    2.隔水中火燉至冰糖溶化,即成

    雪梨有潤肺清熱、生津止渴功效;而冰糖又有清肺熱、潤肺作用。所以冰糖燉雪梨最適合作為處理肺熱、肺燥咳嗽、無痰乾咳的天然食療。

    但對於因風寒而引起的咳嗽便不適用了。

    Krista Profile Photo HD

    Krista營養師 (Tel: 3520 2641)  :)

     

  • images 1421910596_aad7

    近日甲型H3N2流感肆虐,到依家已經有百宗死亡個案。甲型H3N2係變種流感,可引起嚴重免疫反應同併發症,更可引致死亡。今次感染個案包括有小童、年青人同長者,所以大家要小心,注意衛生,有幾點不妨留意下,減低感染既機會

    飲食方面

    – 飲食均衡,可以揀多D 維他命C 較高既食物,如: 橙、西蘭花、蕃茄等,有助提升免疫力

    衛生方面

    – 如廁後或食飯前洗手,減低病從口入既機會

    – 如果有發燒、咳或者其他作病既病徵,應戴口罩,同埋睇醫生喇~

    Krista Profile Photo HD

    Krista營養師 (Tel: 3520 2641)  :)

  • 111

     

    材料: 

    淮山      6塊
    無花果     4粒
    陳皮(浸軟刮囊)   2塊
    南北杏     1湯匙
    海底椰       1碗

     

    做法:

    1. 淮山洗淨,用清水浸30分鐘,之後用清水再沖洗一下。

    2. 陳皮浸軟,刮去皮囊,無花果洗淨,剪開;其他材料浸洗乾淨,備用。

    3. 用大火煲5分鐘後轉慢火煲1 1/2小時至2小時,最後加鹽調味,即成。

     

    呢排天氣時寒時冷,好易喉嚨唔舒服或者乾涸,煲下呢個湯水滋潤下啦~

    准山同海底椰都有清熱潤肺、止咳既功效,呢個湯水我時不時都會煲嫁~
    Krista Profile Photo HD

    Krista營養師 (Tel: 3520 2641)  :)

  • 有d朋友食壽司完全唔點豉油,話驚高鈉。但其實果一、兩滴豉油既鈉對身體影響好細咖o乍~
    點樣可以好味又健康,大家聽下Krista營養師點講la :)

     

     

     

  • 想知日常食物點換算?睇下呢本由徒弟Krista營養師親自整既「日常食物換算表」la~

     

  • 香港兒童肥胖既問題

    近排港聞提及香港兒童肥胖既問題,參與研究既10萬名中小學生中,有接近3萬名學童係癡肥或超重,更有初中生已有高血厭、高血糖、脂肪肝既問題。學童肥胖既問題除左係因為讀書忙,無時間去郁動做運動外,唔健康既飲食習慣亦係主因。

    愛食零食同飲汽水,多肉少菜係大部分學童既飲食習慣,好多時家長因疼愛子女,都會煮多D 佢地鐘意食既餸菜,例如排骨/雞翼,呢D都含好高脂肪。又或者有D學校小食部同或午餐供應商為左迎合學生既口味,亦都比較多高脂肪高糖既食物,如腸仔、午餐肉、薯條等等。

    其實帶飯相對會健康D,因更容易做到營養均衡又低脂肪既配搭。飯同菜同肉既比例應為3:2:1,肉類應用瘦既肉、海鮮、或者大豆類等,既低脂又可吸收適量蛋白質。家長可加入一些雜菜粒或將預先烚熟既小棠菜又或者其他菜切碎,再撈落飯,可吸收多纖維。

    等我介紹一款簡單又好味既飯餸俾大家:

    南瓜乳酪燴牛柳粒

    8ca54cbdd837b17132de60505c9b203d 牛柳粒 乳酪

    材料: 南瓜、低脂原味乳酪、牛柳粒

    做法:

    1. 南瓜預先蒸熟,壓成蓉, 牛柳粒用鹽略醃,落鑊煎至半熟透盛起備用。
    2. 南瓜蓉落鑊,落適量水同乳酪攪勻,調味,落牛柳粒煮熟,即成。
    營養價值:  牛柳含豐富鐵質,幫助製造血液,帶多D氧氣到腦部,有助集中精神嫁!

    而零食亦可以用一D 較健康零食代替,例如一D 無添加油分既即食紫菜、非油炸既米餅/蝦餅等。又或者整一D有營小食,例如用低脂原味乳酪同適量水浸吞拿魚撈埋黎整三文治,既飽肚又可吸收到人體自製唔到既DHA ,有助學童既
    腦部發展。

    Small

    By Krista 營養師 (Tel 3520 2641)

  • Photo 3-1-15 10 07 50 pm

    冬天天氣涷又乾燥,今日教大家煲一個既高纖又可以健脾潤肺既湯水,好清甜嫁!

    鮮准山牛蒡煲粟米紅蘿白湯
    材料: (2人份量)
    新鮮准山  1/2支
    牛蒡      2 支
    粟米      1條
    紅蘿白    1條
    瘦肉      適量( 先汆水)

    做法:
    鮮准山、紅蘿白洗淨,去皮,切段。 牛蒡洗淨,切段。
    全部材料加水煲 2 小時,最後加少少鹽調味即可。

    Photo 3-1-15 10 06 33 pm Photo 3-1-15 10 06 25 pm

    *洗新鮮准山時,記得帶手套,因為手接觸到准山汁液就會好痕嫁。

    粟米同紅蘿白都有潤肺既作用,又可以為湯水更添清甜味。
    牛蒡同新鮮淮山都係高纖既,牛蒡含有木質素,係黏多醣類物質,幫助將體入膽固醇掛出,平衡血脂。
    新鮮淮山即係山藥,含豐富澱粉質。中醫角度黎講,佢有健脾補胃既作用。冬天打得邊爐多都會比較傷腸胃, 飲下呢個湯都唔錯嫁!

    Small

    By Krista營養師 (Tel: 3520 2641)

  • 10882208_838578042870103_1805170292509815112_n

    未命名

    麥當勞最近出左新既野菜扭扭粉早餐,用$15 就可以有碗西蘭花加雜菜既扭扭粉配任何餐飲,佢仲話係「輕盈選擇」添! 其實係咪真係咁輕盈呢?

    首先個扭扭粉湯底係原味雞湯湯底,個湯底好似好清,但就唔知係咪脫脂雞湯湯底。而如果係用左雞骨煲既雞湯,即使係撇左油,都仲有大量脂肪溶左入湯水,雞湯入面既雜菜粒同埋西蘭花亦會索哂湯底既油分,即係話食左菜等如食埋湯既油分落肚。

    另外套餐餐飲有中汽水、細橙汁、豆漿、咖啡、奶茶同熱朱古力供選擇。大家都知果汁同汽水既糖分都好高,非有益之選;而豆漿呢,我試飲過,感覺頗甜。熱朱古力亦一般含大量糖分同植脂奶成分,一杯隨時有3、4茶匙既糖分嫁!

    而咖啡同奶茶,唔知大家有冇留意麥當勞係有分幾隻嫁

    1. 優質濃香咖啡

    2. 優質即磨咖啡

    3. 濃滑奶茶

    4. 奶茶

    濃香咖啡同茶包奶茶個奶精會另上,但即磨咖啡同濃滑奶茶都已預先加入奶精,即植脂奶,根據麥當勞既營養資料,一杯濃滑奶茶脂肪含量已有2.5克。植脂奶多數係氫化植物油,含反式脂肪,很大機會超出每日可攝取上限2.2克,增加血管閉塞或冠心病等既風險。

    所以看似清淡既野菜扭扭粉套餐仲係咪真係「輕盈選擇」呢? 大家心裏有數啦~

    By Krista營養師 (Tel: 3520 2641)

  • 1

    天氣愈黎愈涷,好多人必做既緊係打邊爐,烚下烚下,夠哂暖身~ 打邊爐雖然係就咁烚熟D野,好似唔肥咁,但都有一D 隱藏致肥陷阱嫁喎!

    好多人會淥菜、金菇或其他蔬菜食,諗住食多D菜飽肚D啦,但其實反而會仲肥呢! 因為打邊爐既時侯,其他人可能淥肥牛啦、響鈴卷啦、枝竹啦呢D 高脂肪既肉類 或 經過油炸處理既食材,部分既油分都會被釋放晌湯底到,鍋中既 蔬菜就會吸收呢D油分,人食左,其實等如食哂呢D脂肪落肚嫁

    湯底既選擇都好緊要嫁! 最常見既湯底有豬骨啦、麻辣啦、沙嗲等,呢D湯底含好高既脂肪 ,唔好見豬骨湯底白雪雪,好似無咩油咁,其實D脂肪已經溶哂晌湯入面嫁啦~ 另外,一D 現成火鍋湯包,鹽分都好高,所以都唔好真係當湯飲呀~  其實想食得健康D,可以揀皮蛋芫茜湯、新鮮番茄湯等等,我自己出街打邊爐放題既話,就話要清湯,然後落白蘿白、粟米、番茄,自製一個有味又低脂既湯底喇!

    跟我地減肥既朋友都知打邊爐點樣食得無咁肥,就係會揀瘦既肉類,例如瘦牛肉片、雞肉(去皮)、鯇魚片、無餡既丸類、海鮮等等,同埋淥個烏冬黎食,因為佢滑溜溜,無咁易吸油,又可增加飽肚感,就唔會因為唔飽而食好多餸喇~

    Krista營養師 (Tel: 3520 2641)

  • 1

    好多時天氣涷行街,都會特別想飲熱野,台式飲品店隨處可見,熱辣辣既珍珠奶茶、桂圓薑茶、特濃朱古力特飲等等,都係大熱之選。

    珍珠奶茶係用奶精(即氫化植物油製成,不含鈣質既植脂奶) 沖茶,再配用木薯粉加糖製成既珍珠製成,而且店員亦會額外再加糖漿,避免飲品太過苦澀。根據食物安全中心一項研究,一杯500cc 既珍珠奶茶熱飲,卡路里已經有約393kcal ,等如差唔多1碗半既飯, 總脂肪有13.5克,大部分都係飽和脂肪黎嫁! 而就算走甜,都有375kcal ,含糖量都有26.5克,即大概5茶匙糖嫁喇!

    如果減緊肥既朋友,可以買無糖茶類,而唔需要減肥既朋友呢,間中一杯半杯都無傷大雅,而且可以叫半糖或者微糖,同埋少奶,盡量減少糖分同脂肪既吸收嫁!

    Krista營養師  (Tel: 3520 2641)