Kathy 生活食評

  • 露台餐廳

    半島酒店的露台餐廳服務質素是我去過所有的餐廳之中最好的,這裡的管理層招聘的員工都十分有質素,令人覺得侍應都是誠心為客人服務。雖然其他高級餐廳也有很多十分有禮貌的待應,但始終有一種機械式的感覺,好像是只按經理指示背誦一套歡迎客人的台詞,有時候甚至感到有一點身心不一致。相比之下,露台餐廳侍應的笑容和語氣最親切誠懇,令人感到十分舒適自在。另一方面,這裡的侍應無時無刻都準備好為客人服務,客人只需一個眼神,一個很小的動作,他們便會立即過來協助。與此同時,他們也很懂得讓客人有一個舒適空間用膳,不會在你身旁大動作穿插而過,清理餐桌時也十分寧靜。這種態度和服務質素在香港其他高級餐廳也很少做得到。即使我一歲的細女第一次來到這裡,都能立即適應這裡的環境,對這裡的待應姐姐笑,吃得十分開心。

    這裡的食客質素也十分高,雖然這裡的價錢不是最貴,但食客的質素肯定是數一數二。從他們拿食物的形態和進食的速度,他們似是來享受休閑午飯而不是狼吞虎嚥。高質素的食客加上訓練有素,誠心服務的待應,讓我在這裡有一個悠閒舒適的下午。

    這裡的食物選擇並不算特別多,但是每一款的質素都十分高,可以用「精緻」來形容。先談談熱葷,這裡的燒牛扒牛味美十分香濃,入口軟熟無渣,少肥膏,而外圍直接被火烤的表面也沒有因受醃料醃製而變得太咸的情況,適合喜歡吃得瘦又喜歡吃牛的朋友。
    剌身方面,這裡的刺身同樣新鮮出色。我最喜歡的就是這裡的左口魚壽司,雖然脂肪含量比較高,但由於它真的十分美味,間中淺嚐一件我覺得完全可以接受。
    食物檯的中間放的是沙律。大家千萬不要以為來到半島酒店自助餐吃沙律是很「蝕底」。這裡的沙律菜異常新鮮清甜,不用沙律醬已經十分好味,當中以菠菜最值得推介,令我吃完一碟又一碟。菠菜是深綠色的蔬菜,營養價值比淺色的蔬菜高,亦有很豐富的鈣質和多種營養素。大家平時在家煮的菠菜在經國高溫煮熟後其實當中很多的營養素例如維他命C經已被破壞。既然這裡的菠菜夠新鮮清潔,生吃更可以吸收到它裏面大部分的營養素。如果大家正在減肥的話,在這裡吃多一點沙律菜其實也是物有所值的。至於水果,原個切開哈密瓜和蜜瓜十分新鮮香甜。大家會發現這裡有一些未批皮的水果。別以為這裡的廚師懶惰,其實這是有原因的。因為水果中的維他命C在接觸空氣之後很快便會被破壞,影響它的營養成分,所以廚師不把細小的水果預先批皮也是不無道理的。
    這裡的甜品質素很高,不會為甜而甜,而且主題味道突出。值得一讚的是這裡的馬卡龍,我上年來吃的時候已經覺得它十分好吃,今天再來我覺得竟再進步了。它的外皮很脆,入口鬆化,杏仁味香而又不會太甜,當中以淺啡色味道最好吃。另一款要推介的就是這裡的咖啡味拿破崙。它非常的香脆,而且和入面的忌廉味道配搭得天衣無縫。
    我覺得這裡的自助餐不是要大吃大喝的那種,而是細意品嚐,放鬆享受。對於有些人說正在減肥不可以吃自助餐這個說法,我並不認同。因為吃自助餐不代表要大吃大喝,反而是更加方便地選擇一些適合自己餐單的食物,輕輕淺嚐,放鬆心情,享受環境。味覺滿足是一種享受,心情放鬆也是一種享受。如果用膳感覺良好,根本沒有所謂「吃得少會蝕底」這個道理。這裡舒適、寧靜又高級的環境適合一家大細又或者和初相識情人來拍拖。就在我來的那天,我便看見一對情侶求婚,十分替他們開心。
    http://www.openrice.com/restaurant/commentdetail.htm?commentid=2392661&tc=sr2&con=rvw
  • 這家日式餐廳在我公司附近,我亦自不然成為這裡的常客。我喜歡這裡是因為這裡環境舒適,適合減肥食物選擇又多又夠新鮮。

    這裡的牛肉烏東牛味十足,而且牛肉的肥肉比例十分低,烏冬彈牙,湯底夠清又少油,完全適合正在減肥又想吃得好味的朋友。至於滑蛋雞柳飯,蛋汁十分豐富,融合在飯粒之中帶出另一種更高層次的味道。
    特別要讚的是這裡的那位短頭髮,瘦瘦的分店經理先生,我經常來用膳都看見他工作勤快,對於客人的要求以及上菜進度十分上心,經常穿梭於廚房、餐廳、餐廳門輪候口位置打點一切,而且經常面露笑容,可以帶起他店員的工作效率,讓客人享受更好的服務。
    http://www.openrice.com/restaurant/commentdetail.htm?commentid=2392119
  • 好耐無嚟過呢度食晚飯。相比起新都會廣場既其他茶樓,呢度通常無咁多人,而且價錢相對合理,以前食過覺得幾好,所以今次揀o左呢度晚飯。
    紫晴+紫蕾等食中 :)
    夠脆口,但十分高油
    高鹽高油味濃又唔好味
    介乎排骨與豬肉乾之間的肉
    太甜,無酒味
     
     
    今次叫咗幾味餸,有松子黃花魚,排骨麵、銀絲卷、酒釀丸子等等。
    松子黃花魚炸得好香脆,雖然炸魚比較多油,但係以咁好既味道,唔怕肥既話食兩、三舊都可以接受。我最鍾意既就係佢既汁唔酸,易入口。
    至於呢道百頁結紅燒肉,味道太鹹,濃味得來又無主題,而且油分好重,食一舊都浪費都覺得浪漫肚腩quota
    排骨麵既排骨炸到就黎變排骨乾,成為一塊無靈魂無味道既「行屍走肉」。
    至於酒釀丸子,因為佢無乜酒味,於是想用甜味去搭夠,但又甜過龍搶晒丸子既味。結果呢碗酒釀丸子既無酒味,又無丸子味,失敗!
    總括來說,今餐食物油鹽糖都高,唯獨是味道水準唔高,失望 :(
     
    推介美食: 松子黃花魚 (但好油,減緊肥唔建議)
    堂食等位時間: 0 分鐘
    用餐日期: 2014-08
    是次消費: 每人約HK$120 (晚餐)
    評分: 味道1   環境3   服務4   衛生3   抵食1
  • 放工已經好夜,貪方便去公司附近美心MX食晚餐。我地叫咗咸雞飯同油雞飯(走豉油)
    咸雞飯 -又鞋又乾 :(
    油雞飯滑,味道ok 
     
    咸雞飯d雞好「鞋」,而且好乾,完全唔好食。但係油雞飯d雞就好滑,就算走雞皮食入口都好軟多汁
    呢到優勝既地方係一定搵到位,而且 好容易揀到唔肥既食物,例如瘦叉燒、白切雞、健怡百事,但對於工作繁忙放工夜,想快快趣趣食一餐既朋友都係可以接受既
     
    推介美食: 油雞飯(走豉油汁)
    堂食等位時間: 0 分鐘
    用餐日期: 2014-08
    是次消費: 每人約HK$40 (晚餐)
    評分: 味道1   環境2   服務1   衛生2   抵食4
  • 呢間泰國菜餐廳喺公司附近,但係咁耐以嚟都無去過,今日就去試下la!
    入面環境好乾淨企理,而且個老細重親力親為,對客人非常客氣。對於客人對食物既特別要求,例如洛神花茶走甜,粉麵少d油都會盡量配合。
    我試咗個雞肉青咖哩。碟青咖哩表面上無油浮喺面,入口好香,完全無油膩既感覺,應該淨係落得好少油。
     
    洛神花茶 – 怕肥可要求走甜,酸味夠開胃
    APPS魚可以去邊download?  :p
    濃味少油, 減緊肥可叫,但係都唔好飲果d魚湯
    地方不算大但坐得舒適
    除咖哩同粉麵之外,我仲叫咗一味檸檬烏頭,因為通常檸檬烏頭都落好少油,比其他餸菜健康。條烏頭魚好新鮮,而且浸住條烏頭既湯仲好濃味,正!
    總括來講,呢間泰國菜食物好新鮮,食物濃味得嚟味精同油都唔多,待應又有禮貌,值得再幫襯~
    臨走果陣先發現有一道菜叫「招牌APPS魚」,我即刻問老細呢個APPS去邊度download。佢話APPS只係泰文譯音,haha J
     
    推介美食: 雞肉青咖哩,檸檬烏頭,洛神花茶
    堂食等位時間: 5 分鐘
    用餐日期: 2014-08
    是次消費: 每人約HK$130 (晚餐)
    評分: 味道3   環境2   服務3   衛生3   抵食4
  • 去咗CPK食下午茶當係午餐。今叫咗兩個下午茶,一個係「墨西哥雞肉菠菜麵」,另一個係「脆脆烤雞沙律」
    軟熟夠香但應該有d肥
    「墨西哥雞肉菠菜麵」十分好味多汁。雞肉同菠菜麵都十分之軟熟,入口夠香。但食入口我覺得煮麵既時候應該加咗好全脂奶或者忌廉,所以雖然好食,但係因為脂肪含量應該唔低,比較適合唔使減肥既朋友
    脆脆烤雞沙律 – 走沙律醬同脆脆就適合減肥
    「脆脆烤雞沙律」選料十分新鮮,蔬菜有一種天然既鮮甜味,烤雞肉少油得嚟亦十分滑。蔬菜同烤雞肉配搭得天衣無縫。至於脆脆,分量唔多,但可以帶起沙律味道,可惜始終係油炸。我問過餐廳經理,佢話客人可以要求走沙律醬。怕肥的話可以走沙律醬同唔食d脆脆,因為蔬菜新鮮,就咁食一樣好好食。走咗沙律醬之後,呢道沙律可以話又瘦又好味。
     
    下午茶時間環境寧靜舒適
     
    推介美食: 脆脆烤雞沙律
    堂食等位時間: 0 分鐘
    用餐日期: 2014-08
    是次消費: 每人約HK$70 (下午茶)
    評分: 味道3   環境3   服務3   衛生3   抵食4
     
  • 放假帶兩個女返CU睇魚,貪近梗係食CC Can la。咁橋CC Can先啱啱裝修好無乜嘢食賣, 只係得燒味 。咁 我就叫咗一碗切雞麵同埋一碗貢丸河粉。 一如多年之前,呢到既食物都係十分之一般。
    可以一面食一面看大學生活動採排
     
     
    好多骨碎
     
    碗切雞麵d雞雞味依然ok 但係廚房師傅就將隻雞翼斬得太碎, 要走皮既時候比較唔方便。
     
    河粉彈牙,貢丸唔香
     
    至於貢丸河粉, 河粉係ok彈牙既, 細路仔食啱晒。但係d貢丸就唔香, 而且咬開之後我發現 入面好多有油流出嚟既洞洞,應該係整既時候落咗好多豬油粒,好容易食肥人, 唔係咁岩我。
     
    紫晴自己食河粉,較多肉既雞我留番比佢食
     
    凍檸茶走甜,唔怕肥
     
     
    雖然呢到食物 品質咁多年嚟都無乜進步, 但係因為呢度環境好有書卷味, 同埋藏著好多回憶, 所以我第時都會再繼續返嚟幫襯既。