家營健康營養教室

  • 同大家分享今日Krista營養師教整「日式親子丼」同「日式茶碗蛋」既花絮~

  • 「家營健康營養教室」教煮「牛柳牛肝菌意大利飯」+「栗米片脆曲奇」花絮。用好少油鹽就煮到咖la~

  • 營養諮詢課程會員活動 – 減肥烹飪示範班

    9月18日(星期四)晚7-9點由我徒弟陳筠霖(Krista)營養師示範三道方便喺屋企煮既簡單纖營菜式,配合大家既飲食餐單。
    1. 蕃茄香草肉碎意大利粉
    2. 芝士汁焗西蘭花⋯⋯
    3. 夏威夷比得薄餅

    大家先聽聽Krista既營養分析先:
    「西蘭花:
    西蘭花係屬於十字科既蔬菜,佢有豐富既維他命C同K、礦物質,例如鈣、鐵、鋅等等。維他命K 幫助血液正常凝固,防止不正常出血,近年亦有研究發現維他命K亦可保持骨骼健康嫁!
    洋蔥:
    洋蔥其實好有益嫁,佢既氣味咁攻鼻係因為含有硫複合物。洋葱內的硫複合物可以提升血液中胰島素既功能,一D有關糖尿病既研究更指出洋葱有助降血糖呢! 而洋蔥當中既礦物質銘,亦可提高細胞對胰島素既敏感度嫁!」花絮

  • 「家營健康營養教室」由韓國導師Yumi教煮 韓式紫菜飯卷 + 韓式蛋卷 花絮~

     

  • 今個星期五(9月12日)夜晚7-9點,「家營健康營養教室」由烹飪導師Janet教你煮「香橙西檸煎軟雞 + 紫米粢飯」兩味菜~
    大家先聽聽徒弟Krista營養師既營養分析先la:
    「紫米 – 紫米又稱黑糯米,外部紫色既皮層含花青素,有抗衰老作用。佢亦含有豐富既鋅質,可保持皮膚同指甲既健康嫁! 煮既時候先浸水半個鐘,咁就會易稔D 喇!
    雞髀肉 – 市面上買到既雞扒通常係雞髀肉既位置,雞髀同豬牛一樣係屬於紅肉,含較高既肌紅蛋白同鐵質。維他命C有助人體吸收鐵質,所以今次食譜就用一D 維他命C高既食物,即檸檬同橙一齊煮,咁就令我地更充分吸收到鐵質喇!
  • 今日「家營健康營養教室」 教整Apple Crumble同紫心蕃薯窩餅花絮~

     

  • 今個星期日 11:00 – 13:00hrs,由都係叫Kathy既烹飪導師教做Apple Crumble加示範紫心蕃薯鍋餅。

    大家不如聽下我徒弟Krista既營養分析先丫:
    「青蘋果:
    青蘋果大家平時比較少會食,可能覺得太酸啦。酸既原因係因為佢比紅蘋果含更多既蘋果酸。青蘋果同紅蘋果一樣有好多果膠,果膠係水溶性膳食纖維,可以幫手將多餘既膽固醇帶走並排出體外,有降血脂既效果


    紫心番薯:
    紫心番薯既特別之處係含很多花青素。花青素係一種抗氧化物,有抗衰老、維持眼睛及心血管健康的功效嫁。番薯含豐富碳水化合物及纖維,易飽肚又可清理腸胃。煮紫心番薯既時候,因為花青素亦係天然色素,會將D水染成紫紫藍藍咁嫁,呢個係自然現象黎嫁!」
  • 營養諮詢課程會員活動 – 減肥烹飪示範班

    9月4日晚7-9點由我徒弟陳筠霖(Krista)營養師示範三道方便喺屋企煮既簡單纖營菜式,配合大家既飲食餐單。
    1. 纖瘦原隻蜆蒸滑蛋
    2. 纖營香蔥豬肉餃+ 纖營雲耳雞肉餃⋯⋯
    3. 冬菜肉餅蒸滑豆腐
    大家先聽聽Krista既營養分析先:
    「蜆:
    蜆含豐富蛋白質及礦物質,例如鐵質,而每100克既蜆既膽固醇含量係34毫克,係海鮮黎講算係低,因為每100克既墨魚都有233毫克既膽固醇嫁。

    雲耳
    雲耳又叫黑木耳,含豐富饍食纖維,可預防便秘。所含既植物性膠質更有潤腸作用,可以幫我地帶走腸道內既垃圾。
    豆腐
    豆腐含高鈣同蛋白質,而原材料既黃豆含卵磷脂,有研究指卵磷脂可以保護肝臟健康同有助降低膽固醇。卵磷脂更可促進腦部發展,小朋友食多d蛋呀,豆腐呢d有卵磷脂既食物,有助大個會聰明d 嫁!」花絮
    我覺得Krista既做事態度真係好好ar,做每件事都準備充足又認真,大家比d支持佢丫~

  • 同大家分享「家營健康營養教室」由烹飪導師Janet教煮健康既「糖醋豬柳」 + 「十穀蛋包飯」花絮~

  •  
     
    8月30日(星期六)11:00am – 1:00pm,「家營健康營養教室」由烹飪導師Samantha教你煮「紅酒燜牛肉」, 同場再示範點整「特色鷹咀豆泥脆脆」~
    o係學整之前,大家不彷先聽下徒弟陳筠霖(Krista)營養師既營養分析先~
    「紅酒燜牛肉:
    牛肉有豐富鐵質,幫身體製造紅血球,period 中既女士們可以食下牛肉補充所流失左既鐵質嫁!
    紅酒同其他酒一樣都係高卡既飲品,但用去煮餸就唔同喇,因為酒精晌煮餸過程中已經揮發得七七八八,熱量亦都少左好多, 而用酒煮餸更可增加餸菜既風味添呀!
    特色鷹咀豆泥脆脆
    鷹咀豆(Chickpeas)有豐富蛋白質同纖維,而且又低脂。鷹咀豆可以用黎整沙律啦,夠哂飽肚,又者整成鷹咀豆泥代替牛油搽麵包啦。同埋佢地含既脂肪大部分係多元不飽和脂肪,適量攝取可減低患心血管疾病既風險嫁!」 -Krista
    烹飪班詳情: http://nutritionistkathy.blogspot.hk/2014/08/la.html