• 盆菜

    晌大時大節,好多時會約親朋威友食飯,除左去酒樓,依家都多左人叫盆菜外賣,因為一大煲有哂魚有肉有菜,材料豐富又方便,但點食先無咁肥呢?

    盆菜多數會放蘿蔔或者芋頭晌最底,再逐層鋪上豬皮、枝竹、冬菇、蓮藕等等,而油雞、鴨、大蝦等肉類同海鮮會放在面層,令到外表更可觀。

    大多數人都會食放晌最底層既蘿蔔、芋頭,因為大舊同埋飽肚D,同埋覺得無咁肥膩。其實佢地索哂D 餸汁,餸汁多以南乳、蠔油等製成,油分同鹽分都好高嫁! 而蓮藕或者其他菜類亦都會吸收哂盆菜既餸汁,就算用熱水沖都洗唔走D油嫁! 此外,廚師為左令芋頭無咁易散開,都會將芋頭炸過,而芋頭吸油力高,脂肪含量變相極高喇。所以想食得無咁肥,呢D就要避免喇!

    咁可以揀D咩呢? 就係鋪晌面層既肉類同海鮮,因為佢地無咩浸到D 汁,相對無咁肥,同埋揀D 低脂肪既肉同海鮮,例如: 油/切雞、蝦、燒肉(去皮去肥膏)等等。同埋食碗飯先再夾餸食,飽肚D之餘,亦可以避免食得太多餸而吸收更多既熱量同脂肪喇! 仲有記得盆菜要徹底加熱先好食呀,食完肚痛就唔好喇!

     

    Krista Profile Photo HD

    Krista營養師 (Tel: 3520 2641)  :)

    留言